Úzdik pedagog 2 mıllıon 778 myń teńge  ıelendi

Muǵalimder kúnine oraı Almaty oblysynda dástúrli «Jyl muǵalimi» baıqaýynyń jeńimpazy anyqtaldy. Ol - Aqsý aýdany, Ǵ.Muratbaev atyndaǵy orta mekteptiń matematıka pániniń muǵalimi Asyl Qaımuhanov. Saltanatty sharada Amandyq Batalov oǵan avtokóliktiń kiltin tabystady.

Saltanat saraıyndaǵy “Ustaz – uly tulǵa» atty sharada oblys ákimi Amandyq Batalov qasıetti mamandyq ıelerin merekemen quttyqtady.

–Qurmetti ustazdar! Sizderdi  kásibı merekelerińizben shyn júrekten quttyqtaımyn! Urpaq boıyna bilim nárin quıǵan eńbekterińizge shyǵarmashylyq tabys, otbasylaryńyzǵa baqyt tileımin. Dana Abaıdyń: «Ustazdyq etken jalyqpas, úıretýden balaǵa» degenindeı, ustaz – uly mamandyq. Ol – eń alǵash qolǵa qalam ustatyp, árip úıretip, Álippeden bastap, búkil álemdi tanytqan ulaǵatty jan. Bıylǵy jyl búkil álemge jańa kózqaras ákelip, sanamyzdy ózgertti. Eldegi jaǵdaıǵa baılanysty, oqýshylarymyz qashyqtan oqýǵa kóshti. О́ziniń qıynshylyǵy bolǵanymen sapaly bilim berýge esh kedergi bolmady. Ustazdardyń da, oqýshylardyń da bilimge degen qurmetin eseleı tústi. "Onlaın Sońǵy qońyraý", "Onlaın Alǵashqy qońyraý" uǵymdary qalyptasty, ómirimizge endi. Osy jaǵdaıda bárine túsinistikpen qaraǵan oqýshylarǵa, ata-analarǵa, ustazdarǵa úlken rızashylyq bildiremin. Tuńǵysh Prezıdentimizdiń bastamasymen 2019 jyly «Pedagog mártebesi týraly» Zań qabyldanyp, Memleket basshysy Qasym-Jomart Toqaevtyń halyqqa Joldaýynda muǵalimderdiń dárejesin kóterýge, jaǵdaıyn jaqsartýǵa erekshe mán berildi. О́zderińiz bilesizder, Jetisý aımaǵy elimizdegi halyq sany kóp óńir. Jyl saıyn dúnıege kelgen balalar sany artyp keledi. Osyǵan oraı, bilim berý salasyna erekshe kóńil aýdarylady. 2020 jyldyń 1 qańtarynan bastap, Qazaqstan Respýblıkasy Prezıdentiniń tapsyrmasyna sáıkes, oblysta 64 560 shtattyq birlik pedagog qyzmetkerlerdiń eńbekaqysy 25 paıyzǵa kóterildi, kelesi jyly taǵy 25 paıyzǵa kóteriledi. «Dıplommen – aýylǵa» baǵdarlamasy aıasynda aýyldyq jerge jumys isteýge kelgen 4 921 mamanǵa kóterme járdemaqy, 2 371 mamanǵa turǵyn úı satyp alý nesıesi berildi. Bul jas mamandar úshin úlken qoldaý. Osyndaı zor múmkindikterdiń arqasynda bizdiń pedagogtar respýblıkalyq, halyqaralyq túrli bilim baıqaýlarynda úzdikter sapynan kórinip júr. Bıyl 2 qazanda kásiptik-tehnıkalyq bilim berý júıesine 80 jyl toldy. Bul aıtýly kezeń osy júıede bilim alǵan barlyq maman ıeleriniń, mıllıondaǵan jumysshylar men qyzmetkerlerdiń mereıtoıy dese de bolady. Endeshe, qoǵamǵa qajetti bilikti kadrlar daıarlaıtyn mamandardy quttyqtaýǵa ruqsat etińizder. Eńbekterińiz jemisti bolsyn! – dedi.

Budan soń Amandyq Ǵabbasuly oblysymyzdyń bilim salasynyń damýyna qosqan zor úlesi jáne jas urpaqty sapaly bilim, sanaly tárbıe berýdegi tabystary úshin birqatar ustazǵa Qazaqstan Respýblıkasy Bilim jáne ǵylym mınıstrliginiń «Y.Altynsarın», «Qazaqstan Respýblıkasynyń bilim berý isiniń qurmetti qyzmetkeri» tósbelgilerin, oblys ákiminiń Qurmet gramotasy, Alǵys hatyn tabys etti. Respýblıkalyq «Úzdik pedagog» ataǵyn jeńip alyp, 2 mıllıon 778 myń teńge  ıelengen ustazdardy marapattady.

Oblystyq pedogogıkalyq baıqaý jeńimpazdary – «Úzdik aýyl mektebi» atanǵan Qarasaı aýdany, Almalybaq aýylyndaǵy orta mektep-gımnazııasynyń dırektory Sáýle Mahambetovaǵa, «Úzdik kásiptik bilim berý uıymy» nomınasııasynyń ıegeri Jambyl atyndaǵy Uzynaǵash kásiptik  kolledjiniń dırektory Bolat Altaevqa, «Úzdik synyp jetekshisi» baıqaýynyń júldegeri Alakól aýdany, Úsharal №1 orta mektebiniń muǵalimi Aıgúl Ahmetovaǵa 500 myń teńgeniń sertıfıkattary berildi.

Joǵaryda aıtyp ketkenimizdeı, «Jyldyń úzdik muǵalimi» oblystyq baıqaýynyń birinshi oryn ıegeri Aqsý aýdany, Ǵanı Muratbaev atyndaǵy orta mektebiniń matematıka páni muǵalimi Asyl Qaımuhanovqa avtokólik kilti tabys etildi.

Ardager ustazdar atynan sóz alǵan Kúláı Túsipqyzy muǵalimderdi merekemen quttyqtasa, «Jyldyń úzdik muǵalimi» atanǵan Asyl Qaımuhanov aqtaryla alǵysyn jetkizdi.

Ustazdarǵa arnap Súıinbaı atyndaǵy Almaty oblystyq fılarmonııa ánshileri, Oqýshylar saraıynyń jetkinshekteri ánnen shashý shashty.