Búgin túnde Qyrǵyzstan astanasy Bishkektegi Ala-Too alańynda parlament saılaýy nátıjesimen kelispegender mıtıngi qaqtyǵysqa ulasty. Narazy azamattar "Aq úıdi" basyp alyp, tergeý ızolıatory men kolonııadaǵy eks-prezıdent Almazbek Atambaevty jáne burynǵy premer-mınıstr Sapar Isaqovty jáne mınıstrler kabınetiniń eks-tóraǵasy Jantoro Satybaldıevty bosatty, dep jazady 24.kg.

Aq úıdiń keıbir kabınetteri men májilis zaly qıratylǵan. Kompıýterller joǵalyp, esik áınekteri shaǵylǵan. Aq úıdegi órtti sóndirgennen keıin kóptegen qabatta tóbeden sý tamshylap tur.

Foto 24.kg. Vnýtrı «Belogo doma»

Qazir qalada jaǵdaı turaqty. Kósheler tastan, shyny shólmekterden tazarlyp jatyr.

Narazylyq aksııasy bolǵan Ala-Too alańyna búgin saılaý nátıjesimen kelispegen sherýshiler qaıta jınala bastady.

Qalanyń basqa bóligi "Forým" ǵımaratynyń aldyna Almazbek Atambaevtyń jaqtastary jınalyp jatyr. Olar "Aprel" arnasy arqyly tikeleı efırge shyqpaq.

Osy ýaqytta qalanyń ózge aımaǵynda prezıdent Sooronbaı Jeenbekov jaqtastary prezıdentti qoldap mıtıngke shyqty.  

Bishkektegi birinshi tergeý ızolıatory mańyna Atambaevtyń jaqtastary jınalǵan. Olar 2019 jylǵy 7-8 tamyzdaǵy qoı-tash oqıǵasy boıynsha sottalǵandardyń bárin bosatýǵa nıetti.

Mıntıngshiler qalalyq ákimdiktiń ǵımaratyn basyp alyp, Qalanyń jańa meri retinde Jooshbek Kaonalıevti jarııalady.

El prezıdenti kópshilik aldyna áli shyqqan joq. Prezıdent baspasóz qyzmetiniń jetekshisi Tolǵanaı Stamalıevanyń sózinshe, Jeenbekov Bishkekte, eshqaıda ketpegen, jaǵdaıdy baqylap otyr.

Sooronbaı Jeenbekov partııa ókilderimen kezdesýdi josparlap otyr.

Túngi qaqtyǵys saldarynan 590 adam aýrýhanaǵa tústi. 30 adamnyń jaǵdaıy aýyr. Mıtıngshilerdiń biri qaıtys boldy.

Ilmek sózder: Qyrǵyzstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir