05 Qazan, 2020 Álem

"100 adam aýrýhanaǵa tústi". Bishkektegi jappaı tártipsizdik

Foto: SEIChASKG telegram kanaly

Qyrǵyzstanda 4 qazanda ótken parlament saılaýynyń nátıjesimen kelispegen azamattardyń Bishkektegi narazylyq aksııasynyń sońy jappaı tártipsizdikke ulasty, dep habarlady SEIChASKG telegram kanaly.

Qarsylyq aksııalary el astanasynan bólek, Talas jáne Qarakól sekildi birneshe qalada bolǵan.

5 qazanda kúndiz narazylyqqa shyqqan azamattar saılaý qorytyndysynyń kúshin joıyp, jańa saılaý ótkizýdi talap etken.

Artynsha saılaýǵa qatysqan 16 partııanyń 11-iniń ókili memorandýmǵa qol qoıyp, saılaýdy qaıtadan ótkizý týraly talaptaryn aıtty.

Bıliktiń "tarańdar" degenine qaramastan Bishkektiń ortalyq alańyna jınalǵan adam sany sát-saıyn artyp jatty.

Mıtıngke shyqqandar arasynda mas kúıdegi azamattardyń da bolǵany habarlandy. 

Oqıǵalar jelisiniń ary qaraıǵy hronıkasy tómendegideı:

20:22. Mıtıngshiler Aq úı qaqpasyna basyp kirmek boldy. Ásker kedergi keltirgen joq.

20:25. Aq úıge tas atqylaı bastady. 

Osy sátte ásker dybys zoraıtqysh granat pen gaz kómegimen ereýilshilerdi Aq úıdiń mańynan shegindirdi. Uzamaı alańda uıaly baılanys ajyrady. Ásker mıtıngshilerdi taratýǵa tyrysty.

Ereýilshiler sheginip bara jatyp, arnaıy jasaqqa tas atqylap jatty.

Osy kezde jaralanǵandar týraly aqparat shyǵa bastady. Arasynda depýtat Janar Akaev, polısııa qyzmetkeri bar.

Mıtıngshiler tártipsizke kóship, jolyndaǵyny qırata bastady. Polısııa kóliginiń tóńkerilip jatqan sýreti taraldy.

Osy ýaqytta eldiń kelesi qalasy Qarakólde de narazylyq aksııalary bastalyp, azamattarty Bishkekke attanýǵa shaqyrǵan urandar tastaldy. 

Artynsha el prezıdenti Sooronbaı Jeenbekovtyń saılaýǵa qatysqan 16 partııa kóshbasshylarymen 6 qazanda saǵat 09:00-de kezdesetini habarlandy.

Eldiń ishki ister mınıstrligi partııa ókilderine mıtıngke shyqqandardy taraýǵa úgitteýge shaqyrdy.

Biraq azamattar taraı qoımady. Kerisinshe jedel járdem beketiniń shyǵys qaqpalaryn bógep, tas atqylady. 6 jedel járdem kóligin aýdaryp tastady.

Uzamaı 100 den astam adamnyń túrli dene jaraqatymen aýrýhanaǵa túskeni habarlandy.

Erelýil bolyp jatqan aımaqta tolyqtaı uıaly baılanys buǵattaldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir