05 Qazan, 2020 NEWS

Prezıdent Toqaev Baǵdat Mýsınge tapsyrma berdi

Foto: Qamshy.kz

Memleket basshysy Qasym-Jomart Toqaev Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsındi qabyldady, dep habarlady Aqorda saıty.

Mýsın Prezıdentke ınternet baılanysynyń, ásirese, aýyldyq jerlerdegi sapasy men qoljetimdiligin arttyrý, "Sıfrlyq Qazaqstan" memlekettik baǵdarlamasyn transformasııalaý, sondaı-aq, memlekettik qyzmetti onlaın formatqa kóshirý jumystary týraly mınıstrliktiń esebin berdi.

Sondaı-aq ol memleket basshysyna ınnovasııalyq ekojúıeni qalyptastyrý joldary, aeroǵarysh salasyn damytý, sonymen qatar, eksportqa shyǵarylatyn básekege qabiletti ónim ázirleý úshin IT salasy boıynsha kásibı mamandar daıarlaý jospary jóninde baıandady.

Toqaev bilim berý platformasyn damytýdyń, qashyqtan bilim berý úderisine tehnıkalyq turǵydan kómek kórsetýdiń, memlekettik qarjylaı qoldaý sharalaryn elektrondy oqýlyqtar men sıfrlyq bilim berý resýrstaryn damytýǵa baǵyttaýdyń mańyzdylyǵyn atap ótti.

Prezıdent Baǵdat Mýsınge memlekettik qyzmetti paıdalaný kezinde bıometrııa tetikterin engizý, sıfrlandyrýdy basqarý júıesine reforma júrgizý, "Zerde" holdınginiń róli men jaýapkershiligin arttyrý  jóninde birqatar mindet júktedi. Memleket basshysy radıotolqyndardy bólýdiń ashyq tetikterin engizýdi tapsyrdy. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir