Turǵymbaev óz balasyn uryp-soqqan ákeniń isine pikir bildirdi

Qazaqstannyń Ishki ister mınıstri Erlan Turǵymbaev Túrkistan oblysynda óz balasyn uryp-soqqan er adamnyń áreketine pikir bildirdi.

– Kez kelgen quqyq buzǵan adam zań aldynda jaýap berýi tıis. Bundaı álimjettik kórsetý faktileri aıaqsyz qalmaıdy. Zań bárine ortaq. Turmystyq janjal salasyna qatysty quqyq buzýshylyq jáne qylmys birjaqty bolmaıdy, onyń ekinshi jaǵy bolatyndyǵyna nazar aýdarǵym keledi.

Túrkistan oblysyndaǵy jaǵdaıǵa kelsek, balalardyń anasy buǵan deıin de kúıeýiniń ústinen birneshe ret shaǵym túsirgen, biraq aryz jazbaǵan. Ol onyń zańdy áıeli, kúıeýinen ajyrasýǵa ótinish bermegen. Bul jerde polıseılerdiń jumysyn aıqyndaıtyn ózindik zańnamalyq tustar bar. Iаǵnı, biz shaǵymsyz ol áıeldiń joldasyn 3 saǵattan artyq qamaýda ustaı almaımyz. Sondaı-aq, sebepsiz ákimshilik jaýapkershilikke de tarta almaımyz, – dedi Turǵymbaev.

Eske sala keteıik, 4 qazan kúni áleýmettik jelide er adamnyń kámeletke tolmaǵan balany uryp-soǵyp jatqan vıdeosy jarııalanyp, rezonans týdyrǵan.