Toqaev Tájikstan prezıdentin týǵan kúnimen quttyqtady

Memleket basshysy Qasym-Jomart Toqaev telefon arqyly Tájikstan prezıdenti Emomalı Rahmondy týǵan kúnimen quttyqtady. Bul týraly Aqorda saıty habarlady.

"Memleket basshysy prezıdent Emomalı Rahmondy týǵan kúnimen quttyqtap, baýyrlas Tájikstan halqynyń ıgiligi úshin atqaryp kele jatqan jaýapty memlekettik qyzmetinde tabysqa jete berýine tilektestik bildirdi. 

Qasym-Jomart Toqaev Emomalı Rahmonnyń eki el arasyndaǵy dástúrli dostyqty jáne yntymaqtastyqty nyǵaıtýǵa qosqan úlesin atap ótip, joǵary deńgeıdegi belsendi saıası dıalog qazaq-tájik halyqtarynyń strategııalyq seriktestigin odan ári tereńdetýge septigin tıgize beretinine senim bildirdi" delingen habarlamada.