Almatynyń bas sanıtar dárigeri Jandarbek Bekshın qazanda Almatynyń karantınge jabylatyny týraly qaýesetke jaýap berdi.

– Munyń bári jalǵan aqparat. Bul proseske qatysqym kelmeıdi. Qalany jabý boljanbaıdy. Bizde ósim nemese jańa shtamm týraly habarlaıtyn epıdemıologııalyq baqylaý qyzmeti bar. Biz jetkilikti túrde qadaǵalaýdamyz, – dedi Bekshın.

Buǵan deıin Jandarbek Bekshın Almatydaǵy koronavırýsqa qatysty jaǵdaıdy turaqty dep aıtqan.

Aıta keteıik, búginnen bastap Almaty ákimdigi qalanyń halyqaralyq áýejaıynda sanıtarlyq-epıdemıologııalyq baqylaýdy kúsheıtý sharalaryn qabyldady.

Qazaqstan Respýblıkasynyń bas memlekettik sanıtarlyq dárigeriniń №54 qaýlysyn iske asyrý sheńberinde qalanyń bas memlekettik sanıtar dárigeri Jandarbek Bekshın Almaty halyqaralyq áýejaıynda Qazaqstan Respýblıkasy Memlekettik shekarasynda sanıtarlyq-epıdemııalyq sharalardy qatańdatý jóninde qaýly qabyldady.

Osyǵan baılanysty Almaty halyqaralyq áýejaıynyń aýmaǵynda halyqaralyq jolaýshylar áýe areısterimen keletin adamdardyń baılanyssyz termometrııasy júrgiziledi. Áýejaı qyzmetkerleri jeke qorǵanys quraldarymen qamtamasyz etilgen. Áýejaı aýmaǵynda mindetti maska rejımi jáne áleýmettik qashyqtyqty saqtaý talaby saqtalady.

Almaty ákimdiginiń tapsyrmasy boıynsha áýejaı ǵımaratynda ushyp shyǵatyn jolaýshylar úshin PTR-dıagnostıkaǵa lısenzııalanǵan synama alý pýnkti ashyldy.

Dene qyzýy joǵary nemese aýrý belgileri (jótel, entigý, tynys alýdyń qıyndaýy) bar adamdar Almaty qalasy áýejaıynyń oqshaýlaǵyshyna ornalastyrylady nemese áýe kemesiniń bortynan jedel járdem mashınalarymen dıfferensıaldy dıagnostıka men emdeý júrgizý úshin qalanyń ınfeksııalyq stasıonarlaryna tasymaldanatyn bolady.

QR bas memlekettik dárigeriniń qaýlysyna sáıkes, QR Memlekettik shekarasynan ótý kezinde ózge eldiń azamattary qoldarynda COVID-19-ǵa alynǵan testtiń nátıjesi 72 saǵattan aspaǵanyn kórsetetin anyqtama bolmaǵan jaǵdaıda, qalaǵa kirýlerine jol berilmeıdi.

Shetelden anyqtamasyz kelgen QR azamattary áýejaı aýmaǵynan PTR-testileýdi ótkizý úshin jáne nátıjelerdi kútý kezeńinde ýaqytsha megapolıstiń qonaq úılerine ornalastyrylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir