05 Qazan, 2020 NEWS

Almatyda 6 qazannan bastap karantın rejımi jeńildetiledi

Foto: qamshy.kz

Almaty qalasynyń bas sanıtarlyq dárigeri jańa qaýlyǵa qol qoıdy. Bul týraly Qamshy.kz aqparat agenttigi habarlaıdy. 

Jandarbek Bekshınniń 2020 jylǵy 4 qazandaǵy №62 qaýlysyna sáıkes, erteńnen bastap (6-qazannan) Almatydaǵy teatrlardyń jumys isteýine ruqsat berildi. Alaıda zaldaǵy araqashyqtyqty saqtaı otyryp, oryn sanynyń jartysyn ǵana qamtýǵa bolady. Onyń ózinde kórermen aldymen infokazakhstan.kz saıtynda tirkelýi shart. Al mádenı obektilerdiń qyzmetkerleri úzdiksiz jeldetýdi qamtamasyz etýge mindetti.

Sonymen qatar, megapolıste tehnıkalyq qyzmet kórsetý stansııalary, avtokólik jýý oryndary, aıaq kıim dúkenderi, hımııalyq tazartqyshtar men turmystyq tehnıkany jóndeıtin kompanııalardyń jumys ýaqyty uzartyldy. Endi olar tańǵy saǵat 10-nan tún ortasyna deıin qyzmet kórsete alady.

Oǵan qosa, ujymdyq is-sharalar (toı) ótkizilmegen jaǵdaıda tamaqtandyrý pýnktteriniń jumysyna ruqsat etildi.

Karantın rejıminiń jeńildetilgenine qaramastan burynǵy talaptar saqtalady. Atap aıtqanda, dene qyzýy joǵarylaǵan adamdardyń oqshaýlanýyn qamtamasyz etý kerek. Áýekompanııalarynyń basshylaryna jáne Almaty halyqaralyq áýejaıynyń ákimshiligine aýrýhanaǵa karantınge jatqyzylatyn adamdardyń qonýyn jáne olardyń bólimshelerinde sanıtarlyq normalardyń saqtalýyn qamtamasyz etý júktelgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir