Atyraý-Aqtóbe tasjolynda iri jol apaty bolyp, saldarynan 9 adam qaza tapty. Bul týraly ishki ister mınıstri Erlan Turǵymbaev óziniń facebook-taǵy paraqshasynda habarlady.
 
"Búgin 4 qazan kúni Atyraý oblysynda qaıǵyly jol-kólik oqıǵasy oryn aldy. Atyraý-Aqtóbe baǵytyndaǵy tas jolda eki kólik soqtyǵysyp, saldarynan eki kóliktiń júrgizýshisi, jolaýshylar – barlyǵy 9 adam túgeldeı kóz jumdy. Qazirgi ýaqytta qaza tapqandardyń aty-jónderi anyqtalýda, oqıǵa ornynda jedel tergeý toby jumys istep jatyr" delingen mınıstr jazbasynda.
 
Onyń sózinshe, jol-kólik oqıǵalarynyń 96 paıyzy júrgizýshilerdiń kinásinen bolady.
 
"IIM-niń statıstıkalyq málimetteri "tájirıbesiz" júrgizýshilerdiń (kólik júrgizý ótili 1 jyldan tómender) úlesine jol-kólik oqıǵalarynyń tek 1,8 paıyzy ǵana tıetinin kórsetedi. Jol apattarynyń basym bóligi tájirıbeli júrgizýshilerdiń tarapynan oryn alady eken. Olar qaýipti táýekelderge sanaly túrde baryp, ózderiniń ǵana emes, basqa adamdardyń ómirine de úlken qater tóndiredi.
 
Sondaı-aq ishki ister mınıstrligi Jol-kólik oqıǵasynyń negizgi sebepterin qaperlerińizge salady:
- birinshi orynda jyldamdyqty arttyrý (33,1 %)
- ekinshisinde – manevr jasaý erejelerin buzý (17,7 %)
- úshinshi orynda – rettelmeıtin jaıaý júrginshiler ótkelinen ótý erejelerin buzý (7,6 %)" dep jazdy Turǵymbaev.
 
Atyraý-Aqtóbe tas jolyndaǵy jol apaty
 
 
Atyraý-Aqtóbe tas jolyndaǵy jol apaty
Ilmek sózder: Jol apaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir