04 Qazan, 2020 Barlyq aımaqtar

Balasyn aıaýsyz sabaǵan áke qamaýǵa alyndy

Vıdeodan skrınshot

Túrkistan oblysynyń polısııa departamenti balasyn sabaǵan ákege qatysty tergeý júrgizilip jatqanyn habarlady.
 
Buǵan deıin jýrnalıst Jazıra Begaly facebook paraqshasyna "KÁMELETKE TOLMAǴAN ÚSh BALA MEN ANASYNYŃ О́MIRINE QAÝIP TО́NIP TUR" degen jazba jarııalaǵan.
 
Ol jerde ózine Qazyǵurt aýdany Qyzylqııa aýylynyń Mahabbat Sádýaqasqyzy esimdi turǵynynyń habarlasqany, ýchaskelik polıseı bolyp isteıtin quda balasyna senip alǵan kelinshektiń kúıeýi Erjan Daýyrbaev 4 jyldan beri áıeli men balalaryn uryp kele jatqanyn aıtylǵan.
 
Shaǵymdanýshy áıeldiń sózinshe, buǵan deıin polısııaǵa shaǵymdanǵanynda onyń aryzy qabyldanbaǵan kórinedi.
 
Jýrnalıst jazbasynan keıin uzamaı Túrkistan oblysynyń polısııa departamenti balasyn sabaǵan ákeniń tergelip jatqanyn habarlady.
 
"Áleýmettik jelilerge monıtorıng júrgizý barysynda Túrkistan oblysy Polısııa departamentiniń polıseıleri belgisiz er adamnyń kámeletke tolmaǵan balany uryp-soǵyp jatqan beınejazbasyn anyqtady. Tekserý barysynda oqıǵanyń Qazyǵurt aýdanynda bolǵany aıqyndaldy" dep habarlady departamenttiń baspasóz qyzmeti.
 
Atalǵan jaıt qylmystyq kodekstiń 110-baby "Azaptaý" boıynsha Qazyǵurt aýdandyq polısııa bóliminde tirkelgen.
 
 
 
 
 
 
 
 
 
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir