Foto: Vıdeodan skrınshot
Batys Qazaqstan oblysy boıynsha ekonomıkalyq tergeý departamentiniń eki qyzmetkeri 5 mln teńge kólemindegi paramen ustaldy, dep habarlady sybaılas jemqorlyqqa qarsy qyzmet.
Sybaılas jemqorlyqqa qarsy qyzmet málimetinshe, ekonomıkalyq tergeýler departamentiniń (ETD) tergeý basqarmasynyń 3-sanattaǵy aǵa tergeýshisi men 4-sanattaǵy jedel ýákilge qatysty tergeý bastady.
Olar 2020 jyly 1 qazanda azamat "T"-ny aldaý jáne senimin teris paıdalaný arqyly basqa organnyń óndirisindegi qylmystyq isti toqtatýǵa yqpal etý syltaýymen 5 mln teńge somasyndaǵy aqshalaı qarajatyn ıemdengen.
BQO boıynsha ekonomıkalyq tergeý departamentiniń qyzmetkerleri qylmystyq is júrgizý kodeksiniń 128-babyna sáıkes ustalyp, Oral qalasy polısııa basqarmasynyń ýaqytsha oqshaýlaý ızolıatoryna qamaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir