Qytaı soty Qazaqstandy táýelsizdik kúnimen quttyqtaǵan úsh etnıkalyq qazaqty sottady

Qytaı soty "Qazaqstandy Táýelsizdik merekesimen quttyqtady, Qytaı ultyna qarsy shyqty"  degen  aıyp taǵyp, úsh etnıkalyq qazaqty ómir boıyna bas bostandyǵynan aıyrǵan. Bul týraly  Qamshy.kz aqparat agenttigi habarlaıdy. 

Almaty qalasynda Adam quqyqtary men zańdylyqty saqtaý jónindegi Qazaqstan halyqaralyq bıýrosyndaǵy onlaın formatta ótken baspasóz máslıhatyna zııaly qaýym ókilderi men sottalǵan úsh azamattyń jaqyndary qatysty. Olardyń aıtýynsha, bul – 70 jyldan keıin qaıtalanyp otyrǵan ashyq genosıd. Sebebi, bas bostandyǵynan aıyrylyp otyrǵan úsh qazaq ta Ospan batyrdyń urpaǵy. Osydan 70 jyl buryn týystary da, urpaǵy da jazyqsyz atylǵan batyrdyń súıegin ala almaǵan.

Qytaı  júrgizip otyrǵan saıasattyń qurbanyna aınalǵan úsh azamattyń túrmede jatqanyna 2,5 jyl boldy. Negizsiz jaza tartyp otyrǵan úsheýdiń týystary halyqaralyq uıymdardan arasha surap otyr.