• USD 468.56

  • EUR 497.56

  • RUB 7.3

  • CNY 67.18

28 Naýryz, 20:34:00
Almaty
+35°

Májilis Tóraǵasy Nurlan Nyǵmatýlın koronavırýs indetine shaldyqqan medısına qyzmetkerlerine, sondaı-aq osy pandemııadan qaıtys bolǵan dárigerlerdiń otbasylaryna tólenetin tólemder ómirlik mańyzy bar másele ekenine erekshe nazar aýdardy. Osy másele «Nur Otan» partııasynyń Májilistegi fraksııasynyń keńeıtilgen otyrysynda kóterildi.

Búgin Májilistegi «Nur Otan» partııasy fraksııasynyń keńeıtilgen otyrysynda fraksııa músheleri Densaýlyq saqtaý mınıstri Alekseı Soıdyń koronavırýstyq ınfeksııadan zardap shekken jáne qaıtys bolǵan medısına qyzmetkerlerine járdemaqy men ótemaqyny tóleý týraly esebin tyńdady.

Atalǵan máseleniń mańyzdylyǵyn atap ótken Májilis Spıkeri, «Nur Otan» partııasy parlamenttik fraksııasynyń jetekshisi Nurlan Nyǵmatýlın aǵymdaǵy jyldyń 22 qyrkúıegindegi jaǵdaı boıynsha atalǵan indetke shaldyqqan dárigerlerdiń jalpy sanynyń 14%-dan astamyna ǵana, sonymen birge  qaıtys bolǵan medısına qyzmetkerleriniń otbasylarynyń 13%-ǵa jeter-jetpesine ǵana tólem júrgizilgenin aıtty.

Nurlan Nyǵmatýlınniń aıtýynsha, mundaı jaǵdaı densaýlyq saqtaý júıesi qyzmetkerleriniń narazylyǵyn týdyryp, Memleket Basshysyna jáne Parlament depýtattaryna júginýge májbúr etedi.

Koronavırýstyq pandemııa kezinde, eń aldymen, memlekettik apparattyń sheshimderi óte jedel de kásibı bolýy tıis. Buǵan partııamyzdyń Kóshbasshysy-Elbasy jáne Memleket Basshysy erekshe nazar aýdarady, - dedi Májilis Tóraǵasy.

Sonymen qatar, Nurlan Nyǵmatýlınniń aıtýynsha, indetke shaldyqqan medısına qyzmetkerleri men qaıtys bolǵandardyń otbasylarynyń tólemaqysyna qatysty, anyqtap aıtqanda, tólenbeý jaǵdaıy quzyrly mınıstrlikterdiń áleýmettik bólimderi arasynda ózara is-qımyldyń joqtyǵy men oılastyrylmaǵan qadamdarynyń nátıjesi. Endi qazir pandemııa kezinde medısına qyzmetkerlerin qoldaý týraly Prezıdenttiń tapsyrmalaryn oryndaý úshin barlyq jiberilgen olqylyqtardyń ornyn toltyrý mańyzdy.  

Densaýlyq saqtaý mınıstrligi jarııalaǵan aqparatty Nurlan Nyǵmatýlın sandardy sapyrý dep baǵalady.

Máselen, atalǵan mınıstrlik  usynǵan aqparatyna sáıkes, Eńbek mınıstrligine 4 064 ótinish berilgen. Sonymen qatar, kásibı qyzmetin atqarý kezinde 8 333 dáriger,  barlyǵy 12 830 medısına qyzmetkeri koronavırýstyq ınfeksııasyna shaldyqqan.

Osy rette, Májilis Tóraǵasy Densaýlyq saqtaý mınıstri Alekseı Soıǵa joǵaryda atalǵan 4 064 ótinishtiń ózi fraksııa otyrysy bolatyny belgili bolǵannan keıin ǵana jasalynǵanyn aıtyp:

- Eger ótken 6 aı ishinde 2 475 ótinim berilse, sońǵy sanaýly kúnder ishinde 1 589 ótinim berilgen. Iаǵnı, berilgender ótimder sany 1,6 esege artyp, al ótemaqy tólengen adamdar sany 2 esege deıin ósken. Alty aıdaı boıynda barlyǵy 1 830 dertke shaldyqqan dárigerler ótemaqyǵa ıe bolsa, al sońǵy biraz kúnde 1665 dárigerge tólemaqy berip úlgergen. Qaıtys bolǵan medısına qyzmetkerleriniń otbasylaryna ótemaqy tóleý boıynsha da jaǵdaı osyndaı, - dedi Nurlan Nyǵmatýlın.  

Jaǵdaıdyń sebebine taǵy bir sebep, koronavırýstyq ınfeksııadan zardap shekken jáne qaıtys bolǵan medısına qyzmetkerleriniń kópshiligi aımaqtyq komıssııalardan rastaý ala almaǵan.  

Nurlan Nyǵmatýlınniń pikirinshe, járdemaqylar men ótemaqylardy berý rásiminiń shamadan tys bıýrokrattandyrylýy da máseleniń oń sheshimin tabýyna kedergi keltirip otyr.

Atap aıtsaq, ony alý úshin aýyrǵandar men qaıtys bolǵandardyń jaqyndarynyń ótinimine 5 jyl buryn bekitilgen ınfeksııalyq aýrýlar oshaǵyn epıdemıologııalyq zertteý  kartasy qosa berilýi tıis. Ondaǵy talaptar koronavırýstyq ınfeksııanyń naqty belgilerin kórsetpeıdi, al ony egjeı-tegjeıli anyqtaý jáne sıpattaý tólem merzimderin odan ári keshiktiredi. Bul Densaýlyq saqtaý, Eńbek jáne áleýmettik qorǵaý mınıstrlikteriniń bir jolǵy tólem tártibin anyqtaý boıynsha 9 sáýirdegi birlesken buıryǵyna negiz bolyp otyr.

- Siz qazirgi jaǵdaı talaptaryna múldem jaýap bere almaıtyn 2015 jylǵy buıryqty oılanbastan kóshirý arqyly jaǵdaıdy qıyndatyp otyrǵanyńyzdy túsinesiz be? Osynyń saldarynan jergilikti jerlerdegi óńirlik komıssııalar tıimdi jumys isteı almaıdy. О́ıtkeni, olarǵa kóptegen qujattardy qaraý qajet. Adamdar aýyryp, onyń ústine áli de qalpyna kele almaı jatyp, 43 qosymshalar jınaýy kerek. Osy rásimdi jeńildetýge bolatyn edi ǵoı. Buny erterek jasaýǵa ne kederge boldy? Demek, nemquraıly qaraǵansyzdar, - dedi Nurlan Nyǵmatýlın.

Tólem jaǵdaıyna qatysty jiberilgen qatelikterdiń taǵy bir sebebi, tótenshe jaǵdaı kezeńi aıaqtalǵannan keıin qajetti Buıryqtyń bolmaýy. Buıryqtyń tıisti jańartylýy tek 22 shildede bolǵan.

  • Tek osy jerde, Májilis qabyrǵasynda, sońǵy 2 kúnde tynymsyz jumystyń nátıjesinde ǵana sizder durys tetikterdi oılastyra bastadyńyz, - dedi Májilis Spıkeri.

Talqylaý barysynda, Nurlan Nyǵmatýlın aımaqtyq komıssııa jumysynyń uıymdastyrýǵa nazar aýdara kelip, oǵan Vedomstvoaralyq komıssııa tarapynan qajetti baqylaýdyń bolmaǵandyǵyn basa aıtty.  

  • Vedomstvoaralyq komıssııa, Úkimet tarapynan baqylaýdyń bolmaýy aımaqtyq komıssııalar jumysy boıynsha jalpy ótemaqy tóleý boıynsha osyndaı ókinishti jaǵdaıǵa alyp keldi, - dedi Májilis Tóraǵasy Eraly Toǵjanovqa.

Sondaı-aq, komıssııalardy qurý kezinde de nemquraılylyq baıqalǵany aıtyldy. Mysaly, elimizdiń 17 aımaǵy boıynsha jıyny 5-aq tıisti komıssııalar qurylǵan. Al, talap boıynsha, negizi sáýir, mamyr aılarynda taǵy – 4, maýsym aıynda – 5 komıssııa qurylý kerek bolatyn.

Al, koronavırýstyq ınfeksııa men vırýstyq pnevmonııanyń órship turǵan Aqtóbe, Atyraý jáne Batys Qazaqstan oblystarynda tamyz aıynda ǵana qolǵa alynǵan.

Nurlan Nyǵmatýlın:

- Osyndaı mańyzdy máselelerdi sheshýge tikeleı qatysy bar – vıse-premerden bastap mınıstrliktiń ár qyzmetkeri – árbir sannyń artynda qıyn jaǵdaıda jumys istegen, al keıbiri jaqyndarynan aırylǵan adamdar turǵanyn túsinýge tıis. Endi olar ózderine tıisti aqshany alý úshin tabaldyryq tozdyryp, kóptegen qaǵazdardy toltyrady. Bul tipti qarapaıym adamı kózqaraspen qaraǵannyń ózinde durys qadam emes, - dedi.   

Májilistegi «Nur Otan» partııasy fraksııasynyń keńeıtilgen otyrysyna memlekettik organdardyń basshylarymen qatar, ózekti máselelerdi talqylaýǵa dárigerler, ÚEU men qoǵamdyq uıymdardyń ókilderi shaqyryldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir