02 Qazan, 2020 NEWS

Aımaǵambetov: Muǵalimderdiń jalaqysy eki esege ósedi

Foto: Ashyq derekkóz

Nur-Sultanda muǵalimder kúni qarsańynda bilim jáne ǵylym mınıstri Ashat Aımaǵambetovtiń qatysýymen saltanatty shara ótti.

Mınıstr merekelik jıyn barysynda respýblıkalyq "Úzdik pedagog-2020" baıqaýynyń jeńimpazdaryn marapattady. "Úzdik pedagog" atanǵan 64 muǵalimge tósbelgi men 2 778 000 teńge syıaqy tabystaldy. 

– Eń basty mamandyq, ol árıne, ustaz. О́ıtkeni ustaz barlyq mamandardy tárbıeleıdi, bárine bilim beredi. Búgingi kúni elimizde ustazdardyń mártebesin kóterý boıynsha úlken sharalar iske asyrylýda. Qazirgi kezde el prezıdenti bilim salasyn erekshe nazarǵa alyp, óz joldaýynda da osy máselege úlken kóńil bóldi. Memleket basshysynyń tapsyrmasymen bıyl 1 qańtardan bastap muǵalimderdiń jalaqysy 25 paıyzǵa ósti. Jalpy bir-eki jyldyń ishinde áriptesterimizdiń aılyǵyn eki esege ósirý týraly tapsyrma bar. Sol tapsyrmany biz oryndap jatyrmyz, – dedi mınıstr.

Onyń aıtýynsha, ustazdar úshin tıisti jaǵdaılar jasalýy kerek. Ol úshin keshendi jumys qabyldanyp, keshendi jumys júrgizilip jatyr.

– Pedagogtardyń statýsy týraly arnaıy zań qabyldandy. Sol zańnyń sheńberinde 70-ten astam ártúrli qaýlylar qabyldanyp, iske asyrylyp jatyr. Qaǵazbastylyq syndy úlken máseleler boldy. Budan basqa muǵalim mamandyǵyna keletin jaqsy túlekterdiń azdyǵy, sondaı-aq ustazdardyń ózine tán emes qyzmetke tartylý problemasy boldy. Atalǵan máselelerdi sheshý úshin prezıdenttiń tapsyrmasymen keshendi jumystar iske asyryldy, – dedi Aımaǵambetov. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir