"Kepildik berý qıyn". Alekseı Soı qatań karantınge qatysty eskertý jasady

Densaýlyq saqtaý mınıstri Alekseı Soı engizilgen karantındik sharalardyń nátıjeleri boıynsha qandaı qatelikterdi eskerý qajettigin aıtty.

– Karantınde ótkizgen ýaqyttan qorytyndy shyǵaryp, sabaq alýymyz qajet. Biz densaýlyq saqtaý salasyn daıyndap qoıdyq. Aýrýhanadaǵy tósek oryndardan bastap jasandy tynys aldyrý apparattaryna deıin. Biz árqashan nazar aýdaratyn mańyzdy másele: saqtyq sharalaryn saqtaý jáne áleýmettik araqashyqtyqtyń eskerilýi. Degenmen de, bul máselelerge kepildik berý qıyn, – dedi ol ortalyq kommýnıkasııalar qyzmetindegi brıfıngte.

Sondaı-aq mınıstr azamattardyń qoǵamdyq oryndarda rejımdi jıi saqtaı bermeıtinin atap ótti.

– Quqyq qorǵaý organdary bizdiń aýmaqtyq departamenttermen birlesip jumystar júrgizýde. О́kinishke oraı, aıyppuldar óte kóp. Olar aıdan aıǵa ósýde. Bul bizdiń elde rejımniń saqtalmaǵanyn kórsetedi. Ázirge bizdiń jaǵdaıymyz turaqty. Eger saqtyq sharalaryn saqtasaq, karantın engizbeýge bolady. Bul bizdiń qolymyzda. Al tártip buzýshylyqtar tyıylmasa, karantın engizý týraly keńes berýge týra keledi, – dep eskertti Alekseı Soı.