01 Qazan, 2020 Barlyq aımaqtar

Almatyda jalaqy almaǵan jumysshylar ózderi tósegen asfaltty qoparyp tastady

Foto: vıdeodan alynǵan

Merdiger mekemeden aılyǵyn ala almaǵan jumysshylar jańadan jasalǵan joldy qoparyp tastady. Olar osylaısha jumys berýshiden kek almaq bolǵan. Bul týraly Evrazııa arnasy habarlady. 

Áleýmettik jelilerde qurylysshylardyń Mamyr-3 shaǵynaýdanyndaǵy asfaltty buzyp jatqan vıdeosy taraǵan. Jumysshylardyń narazylyǵynyń sebebi – tólenbegen jalaqy. Narazy top basshylary ondaǵan mıllıon teńgege kólik, úı satyp alyp, sol úshin jalaqylaryn keshiktirip jatqandaryn málimdegen bolatyn.

Ákimdiktiń aıtýynsha, basshylyq eshteńe satyp almaǵan. Kerisinshe, jumysshylardy ózderiniń mindetin durys atqarmady dep kinálap otyr. 

Osy jaǵdaıǵa qatysty Áýezov aýdanynyń ákimdigi túsinik berdi.

– Merdigerler tarapynan (jalaqyǵa qatysty) keshiktirý bolǵan joq. Jumysshylar durys tóselmegen asfalt-betondy, buzyp, qaıta jasaý kerek bolǵan. Sol sebepti olar narazy bolyp, basshylarymen arasynda janjal týyndady, –  dedi ákimdik ókili.

Ákimdik sonymen qatar buzylǵan ýchaske tez arada qalpyna keltiriletinin aıtty. Aryzdanǵan narazy jumysshylar jumystan shyqty.

Ilmek sózder: Jumysshylar Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir