01 Qazan, 2020 NEWS
Foto: islamnews.ru
Densaýlyq saqtaý mınıstri Alekseı Soı koronavırýs pandemııasyna baılanysty Qazaqstanda 5 qazannan bastap engiziletin jańa shekteýler týraly málimdedi. Bul týraly ol ortalyq kommýnıkasııalar qyzmetinde ótken brıfıngte aıtty.
– Infeksııanyń aldyn alý maqsatynda vedomstvoaralyq komıssııa 2020 jyldyń 5 qazanynan bastap kelesi sheshimderdi qabyldady:
- Basqa eldermen áýe qatynasyn qalpyna keltirýdi toqtata turý;
- Áýe qatynasy jańartylǵan eldermen reıster sanyn kóbeıtpeý;
- Túrkııaǵa reıster sanyn azaıtý.
Ekinshi sanattaǵy elderden keletin azamattarǵa mynadaı talaptar qoıylady:
- termometrmen ólsheý;
- anketa toltyrý;
- koronavırýs juqtyrmaǵanyn rastaıtyn anyqtama (onyń alynǵanyna úsh kúnnen aspaý kerek).
Anyqtama qaǵazy bolmaǵan jaǵdaıda azamat karantın stasıonaryna eki kúnge jatqyzylady jáne COVID-19 anyqtaıtyn laboratorııalyq taldaý jasalady. Nátıjesi shyqqan soń, juqtyrǵany rastalsa, ınfeksııalyq stasıonarǵa jatqyzylady, – dedi mınıstr Soı.
Aıta keteıik, II sanattaǵy elder qataryna: Shveısarııa, Ulybrıtanııa, Polsha, Italııa, Majarstan, Aýstrııa, Nıderland, Shvesııa, Rýmynııa, Chehııa, Grekııa, Túrkııa, BAÁ, Saýd Arabııasy, Úndistan, Armenııa, Reseı, О́zbekstan, Ýkraına, Qyrǵyzstan, Tájikstan elderi engizildi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir