1 qazanda «Nur Otan» partııasy uıymdastyryp otyrǵan praımerızge daýys berý bastaldy.

Osy oraıda tanymal saıasatker, qoǵam jáne memleket qaıratkeri, uzaq jyl bıik laýazymdardy atqarǵan Ermuhamet Ertisbaev «Azattyq Rýhy» aqparattyq agenttigine bergen suhbatynda praımerız týraly pikirin bildirip, Májilis saılaýyna daıyndyqtyń egjeı-tegjeıine toqtaldy.

Onyń aıtýynsha, kóshbasshy partııanyń praımerızine qoǵam tarapynan serpilis zor ekenin jáne daýys berý kezinde saılaýshyny ne qyzyqtyra alatynyn atady.

– Árıne, saılaýshylar saılaýaldy baǵdarlamanyń mazmunyna erekshe kóńil bóletin bolady. Kandıdattyń halyq aldynda ózin qalaı ustap, qalaı sóıleıtinine de kóp nárse baılanysty. Osy oraıda men kóptegen qatysýshylardyń debattan bas tartqanyna tańǵaldym. Jýyrda 700-800 adam praımerızden shettetildi. Bulaı bolmaıdy ǵoı. Saıasatqa qulash ura otyryp, debattan, ashyq pikirtalastan qalaısha bas tartýǵa bolady. Bul ózińdi ózgege tyńdatýdyń jalǵyz múmkindigi emes pe?! Sondyqtan partııa basshylyǵynyń bul adamdardy praımerızge qatysýdan shettetý týraly sheshimi durys. О́tken jylǵy qyrkúıekte men uzaq jylǵy dıplomatııalyq is-sapardan keıin Qazaqstanǵa oraldym. Ashyq aıtaıyn, kóńilimde biraz kúdik boldy. Biraq búginde kóńilim marqaıa otyryp, atap ótkim keledi: saılaýǵa deıin 3 aı qalǵanda «Nur Otan» aıqyn favorıtke aınaldy. О́ıtkeni ózge saıası partııalar praımerız uıymdastyrmaq túgil, uıymdastyrýshylyq-saıası turǵyda kadrlyq jańǵyrtýdy da ótkizip jatqan joq! – dedi Ermuhamet Ertisbaev.

Esterińizge sala keteıik, 1 qazanda saǵat 00:00-den bastap, 3 qazan saǵat 14:00-ge deıin praımerızge mobıldi qosymsha jáne arnaıy veb-portal arqyly daýys berý ótedi. Daýys berýdiń sońǵy kúni (3 qazan) ınternet joq eldi mekenderde qaǵaz bıýlletender boıynsha daýys berýge bolady.

Tanymal qoǵam qaıratkeriniń suhbatynyń tolyq nusqasyn https://www.youtube.com/watch?v=i2-DE1KOPOU  siltemesinen kóre alasyz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir