Bıyl zeınetaqy tólemderin qospaǵanda, egde jastaǵy azamattardy áleýmettik qoldaýdyń túrli baǵytyna 32 mıllıard 670 mıllıon teńgeden astam qarajat bólindi, dep habarlady eńbek jáne halyqty áleýmettik qorǵaý mınıstrliginiń baspasóz qyzmeti.

Mınıstrliktiń habarlaýynsha, elde 2 mıllıonnan astam zeınetker turady. Ár azamattyń laıyqty qarttyq shaǵyn qamtamasyz etýge qamqorlyq jasaý – úkimettiń áleýmettik saıasatynyń basty mindetteriniń biri. Memleket azamattardy zeınetaqymen qamsyzdandyrýdy jaqsartý boıynsha júıeli túrde sharalar qabyldap keledi.

Mysaly, 2020 jylǵy 1 qańtardan bastap jyl saıynǵy ındeksteý nátıjesinde yntymaqty zeınetaqy mólsheri 7 paıyzǵa ósip, bazalyq zeınetaqynyń ulǵaıýy 5 paıyzdy quraǵan.     

Bıylǵy 1 sáýirden bastap taǵaıyndalǵan zeınetaqy mólsheri qosymsha taǵy 5 paıyz ındeksteldi. Bul 2019 jylǵy deńgeımen salystyrǵanda bazalyq zeınetaqynyń 10 paıyzǵa, yntymaqty zeınetaqynyń 12 paıyzǵa ósýin qamtamasyz etti.           

Osyndaı ósim nátıjesinde jıyntyq zeınetaqynyń eń tómengi mólsheri (yntymaqty+bazalyq) 58 myń teńgeden asady, al joǵarǵy shegi 128,5 myń teńgeni quraıdy. Sonymen qatar, azamattar, biryńǵaı jınaqtaýshy zeınetaqy qorynan ózderi jınaqtaǵan qarajat esebinen zeınetaqy tólemderin alady.           

 - Uly Otan soǵysyndaǵy Jeńis kúnine birrettik materıaldyq kómekke - 7,6 mlrd teńge (123,6 myń adam);            

 - azyq-túlik sebetin berýge - 1 mlrd 481,1 mln teńge (233,4 myń adam);           

 - jeńildikpen dári-dármekpen qamtamasyz etýge - 174,2 mln teńge (40,8 myń adam);           

 - tisti protezdeýge - 142,7 mln teńge (3 myń adam);           

 - shıpajaılyq emdelýge - 1 mlrd 362,3 mln teńge (19,5 myń adam);           

 - turǵyn úıdi jóndeýge - 46,4 mln teńge (376 adam);           

 - otynmen qamtamasyz etýge - 136,1 mln teńge (3,7 myń adam);           

 - qoǵamdyq kólikte jeńildikpen júrýge - 740,7 mln teńge (133,9 myń adam);           

 - kómektiń basqa túrlerine - 3 498,8 mln teńge (134,0 myń adam).           

1 qazanda Qazaqstanda qarttar kúnine oraı aılyq bastalady. Aǵa urpaq ókilderine qamqorlyq jasaýǵa arnalǵan is-sharalar respýblıkanyń barlyq aımaqtarynda ótedi. Olardyń ishinde ambýlatorııalyq-emhanalyq uıymdarda "Ashyq esik kúnderi" jáne "Júrekten júrekke" qaıyrymdylyq aksııasy uıymdastyrylyp, onyń aıasynda aýyr naýqas qart adamdarǵa azyq-túlik sebetteri tabystalady. Sonymen birge eńbek ujymdarynda kezdesýler jáne taǵy basqa sharalar qolǵa alynady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir