Bas prokýratýra Qordaı oqıǵasynda jappaı tártipsizdikke qatysqandardy sottady

Bas prokýratýra Qordaı oqıǵasynyń qatysýshylaryna qatysty shyqqan úkimge túsinikteme berdi. Bul týraly Bas prokýratýrasynyń baspasóz qyzmeti habarlady.

9 qyrkúıekte buqaralyq aqparat quraldary Almaty garnızony áskerı sotynda Qordaı aýdanynda bolǵan jappaı tártipsizdikterge qatysqan 7 adam sottaldy.

Almaty garnızony áskerı sotynyń úkimimen urlyq jasaǵandary jáne jappaı tártipsizdikterge qatysqandary úshin áskerı qyzmetshi Ý. Atanbaev, sondaı-aq A. Tileýǵalıev, A. Nurahanov, E. Býralkınov, R. Bejibaı, M. Dúısenbaev jáne B. Ibragımov 3-ten 9 jylǵa deıingi merzimge bas bostandyqtarynan aıyrý jazasyna kesildi.

Buryn tergeý barysynda Ý. Atanbaevqa jáne onyń sybaılastaryna qatysty materıaldar istiń áskerı sottyń sottylyǵyna jatqyzylýyna baılanysty jeke is júrgizýge bólektenip alynǵan bolatyn.

Sonymen qatar 21 shildede arnaıy prokýrorlar 51 adamdy tergeýdi aıaqtady.

Olarǵa bıylǵy jyldyń aqpan aıynda Masanshy, Bular batyr jáne Aýqatty aýyldarynda bolǵan oqıǵalar barysynda kúsh qoldaný, kisi óltirý, múlikti órteý jáne qıratý, jappaı tártipsizdikterge arandatý jáne bılik ókilderiniń talaptaryna baǵynbaý boıynsha aıyp taǵyldy.

Qazirgi ýaqytta aıyptalýshylar qylmystyq is materıaldarymen tanysýda, sodan keıin is sotqa joldanatyn bolady.

"Sondaı-aq bıylǵy jyldyń naýryz ben tamyz aılary aralyǵynda polıseılerge zorlyq-zombylyq kórsetken aǵaıyndy Voıngýıdiń (18 naýryzda 1,5 jylǵa bas bostandyǵynan aıyryldy) Qudashbaevtarǵa qatysty adamdar tobyna densaýlyqqa qasaqana ortasha aýyrlyqtaǵy zııan keltirgenderi jáne buzaqylyq jasaǵandary úshin ákeli-balaly Iýnhýdyń (24 sáýirde árqaısysy sáıkesinshe 2,5 jylǵa bas bostandyǵynan aıyryldy jáne shekteldi) 54 dana «Molotov» kokteılin daıyndaǵany jáne tasymaldaǵany úshin R. Veıserdiń (12 tamyzda 3 jylǵa bas bostandyǵynan aıyryldy) sottalǵandaryn eske salamyz" delingen resmı saıt taratqan habarlamada.

Bıylǵy jyldyń 7 aqpanynda Qordaı aýdanyndaǵy Masanchı aýylynda qazaq pen dúngender arasynda tóbeles bolǵan.