Prezıdent jarlyǵymen Asqar Jumaǵalıev Qazaqstan Respýblıkasynyń Nıderland Koroldigindegi Tótenshe jáne О́kiletti Elshisi, Hımııalyq qarýǵa tyıym salý jónindegi uıym janyndaǵy Qazaqstan Respýblıkasynyń Turaqty ókili qyzmetin qosa atqarýshy qyzmetine taǵaıyndaldy. Bul týraly Aqorda saıty habarlady.
Buǵan deıin sıfrlyq damý, ınnovasııalar jáne aeroǵarysh ónerkásibi mınıstri mınıstrligin basqarǵan Asqar Jumaǵalıev sıfrlyq Qazaqstan baǵdarlamasyn sátsiz júzege asyrǵany úshin synǵa ushyrap, uzamaı qyzmetten ketken.
Ol 1972 jyly 2 tamyzda Orynbor oblysynda dúnıege kelgen. Sverdlovtaǵy Sývorov ýchılıshesin, Harkov raketa áskerleriniń joǵary komandalyq-ınjenerlik ýchılıshesin, Q.Sátbaev atyndaǵy Qazaq ulttyq tehnıkalyq ýnıversıtetin, Qazaq gýmanıtarlyq zań ýnıversıtetin bitirgen.
Lozannadaǵy Shveısarııa Federaldy tehnologııa ınstıtýtynyń elektrondy basqarý boıynsha sheber dárejesi bar.
Memlekettik qyzmette basqarma bastyǵynan bastap, komıtet, agenttik, ulttyq kompanııalardyń tóraǵasy, mınıstr, premer-mınıstriniń orynbasary laýazymdarynda bolǵan Jumaǵalıev elshilik qyzmetke alǵash ret taǵaıyndalyp otyr.
Qazaqstanda túrli sebepke baılanysty saıasat sahnasynan alastatylǵan sheneýnikterdi shetelge elshi etip aýystyratyn tájirıbe qalyptasqan.
Ermuhambet Ertisbaev, Imanǵalı Tasmaǵambetov sekildi saıasatkerler zeınet demalysyna shyǵarylardyń aldynda túrli elderge elshilik qyzmetke jiberilgen.
Jumaǵalıev te solardyń taǵdyryn keshýi ǵajap emes. Alaıda onyń áli jas esekenin eskersek, keleshekte laýazymdy orynǵa oralýy da yqtımal.
Pikir qaldyrý
pikir