Ardager dıktorlar bir kúnge Qazaq radıosynyń júrgizýshisi atanbaq

Qazaq radıosynyń mereıtoıyna oraı belgili ardager dıktorlar bir kún boıy áýe tolqyny arqyly habar taratyp, tyńdarmanǵa syı jasamaq. Bul týraly aqparat jáne qoǵamdyq damý mınıstri Aıda Balaeva málim etti.

"1 qazanda Orynbordan aǵartýshy Ahmet Baıtursynulynyń bastamasymen Ult únjarııasy – Qazaq radıosynyń birinshi ret habar taratqanyna 99 jyl bolady. Aıtýly kúnge oraı Qazaq radıosyndaǵy áriptesterimiz tyńdarmanyna erekshe syı daıyndap otyr.
⠀
Osy kúngi baǵdarlamalardy únderi kópshilik qulaǵynda qalǵan radıo ardagerler – Uljan Parmashqyzy, Saýyq Jaqanova, Amanjan Eńsebaıuly, Búrkit Bekmaǵambetov, Qusman Igisinov, Kúlásh Moldahmetova, Ábdiráli Bólebaı, Nurjan Jalaýqyzy júrgizedi" delingen mınıstrdiń facebook-taǵy jazbasynda.
⠀
Aıda Balaeva Qazaq radıosyn ıyńdap óskenin atap ótti.

"Keler jyly ǵasyrlyq merekesin atap ótetin, táýlik boıy boıy habar taratatyn elimizdiń birinshi radıosyn tyńdap óstim, tyńdap kelemin. Onyń ústine, Saýyq apamyzdyń ertegilerin, Amanjan aǵanyń qońyr únin estip eseıgen urpaqtyń biri retinde bul tartýdy erekshe qabyldadym. Qazaq radıosy únemi qosýly bolsyn!" dep jazdy ol.