• USD 424.85

  • EUR 504.21

  • RUB 5.84

  • CNY 65.86

20 Qazan, 07:03:34
Almaty
+11°

Nur-Sultanda 28 jastaǵy er adam qurylys alańynda 18 metr bıiktikten qulap, mert boldy, dep habarlady Tengrinews.kz.

Portaldyń habarlaýynsha, marqumnyń áıeli is jabylýy múmkin dep qorqyp otyr.

Maqsat Tóljanov Orlykól kóshesindegi sehtyń shatyryn jóndep jatqan kezde 6-qabattan qulap ketken.

– Ol jumysqa resmı túrde ornalaspaǵan edi. Onda olar shatyrdy jaýyp jatqan bolatyn. Ony bul jumysqa dosynyń aǵasy shaqyrdy, jumys kólemi boıynsha ózderi kelisken edi. 17 tamyzda kúıeýim ulymyzdy balabaqshaǵa, al meni jumysqa aparyp tastady. Al ózi qurylysqa ketti.

Keıinirek maǵan shamamen saǵat 10.30-da onyń qulap ketkenin habarlady. Tergeýshiler maǵan bir jumysshynyń tómende  krannyń janynda turǵanyn, al kúıeýimniń kabeldi ustap, júkti shatyrǵa kóterip jatqan kezde kabel úzilip, 18 metr bıiktikten qulaǵanyn aıtty. Bul shamamen 6-qabat. Maǵan onyń oqıǵa ornynda qaza bolǵanyn aıtty, – dedi marqumnyń áıeli Dınara Jaqaeva.

Marqumnyń áıeli 18 qyrkúıekte polısııaǵa aryz jazǵan. Onyń aıtýynsha, nysanda jumys istegen barlyq jumysshy jumysqa resmı túrde ornalaspaǵan.

– Polısııadaǵylar maǵan oqıǵa qurylys alańynda bolǵanyn aıtty, sondyqtan ony ákimdiktegi arnaıy komıssııa qaraıtyn bolady dedi. Osydan keıin ǵana is bizdiń tergeýshige tapsyryldy. Ákimdik qyzmetkeri maǵan arnaıy tekserýge buıryq joq ekenin aıtty, sebebi Maqsattyń áriptesteri qandaı da bir qujattardy tapsyryp, bolǵan jaǵdaı týraly aıtyp berýǵa tıis eken. Olardy shaqyrdy, biraq olar kelmedi. Bireýi aýyryp qaldy, bireýi kele almady.

Men zańdy tolyq bilmeımin, sondyqtan advokat jaldadym. Men bárin zań boıynsha jasaǵym keledi. Maqsat endi oralmaıdy. Bizdiń kishkentaı ulymyz bar. Kúıeýim 28 jasta edi. Kináliler jazalanǵanyn qalaımyn, – dedi ol.

Nur-Sultan qalalyq polısııa departamentiniń ókilderi bul jaǵdaıǵa qatysty pikir bildirdi.

– О́kinishke qaraı, jumysshy qaza tapty. О́lim faktisi boıynsha qylmystyq is qozǵaldy. Birqatar saraptama taǵaıyndaldy. Tergeý amaldary júrgizilip jatyr. Sonymen qatar, Nur-Sultan qalasy ákimdiginiń Qalalyq orta sapasy jáne baqylaý basqarmasy arnaıy tergeý júrgizip jatyr. Qylmystyq is baqylaýda, – dedi departamenttegiler.

"Qamshy" silteıdi
Ilmek sózder: qurylysshy Nur-sUltan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir