Asqar Mamın sanıtarlyq talaptardy saqtaýǵa arnalǵan sharalardy kúsheıtýdi tapsyrdy

Úkimet otyrysynda premer-mınıstr Asqar Mamın sanıtarlyq talaptardy saqtaý boıynsha sharalardy kúsheıtýdi tapsyrdy.

Onyń aıtýynsha, eldegi sanıtarlyq-epıdemıologııalyq ahýal turaqty.

– Jalpy, eldegi sanıtarlyq-epıdemıologııalyq ahýal turaqty. Infeksııanyń reprodýktıvti koeffısıenti 0,93 quraıdy, bul qabyldanǵan sharalardyń tıimdiligin kórsetedi. Álemdegi jáne birqatar shekaralas elderdegi epıdemııanyń turaqsyzdyǵyn eskere otyryp, biz sanıtarlyq talaptardy saqtaý boıynsha sharalardy kúsheıtýimiz kerek, –  dedi ol.

Atap aıtqanda, múddeli memlekettik organdar men oblystyq ákimdikterge sanıtarlyq-epıdemıologııalyq is-sharalardyń 100% daıyndyǵyn qamtamasyz etý, al densaýlyq saqtaý mınıstrligine 15 qazanǵa deıin jyljymaly medısınalyq keshender men jedel járdem mashınalaryn, qajetti qural-jabdyqtar, qorǵanys quraldaryn satyp alý jáne aımaqtarǵa berý tapsyryldy.

Sondaı-aq Mamın ishki ister jáne densaýlyq saqtaý mınıstrlikteri ákimdiktermen birlesip, sanıtarlyq talaptardyń saqtalýyn baqylaý boıynsha baqylaý toptarynyń jumysyn kúsheıtýdi jáne óńirlerdegi dári-dármektiń baǵasyn baqylaýdy tapsyrdy.