BUU Taýly Karabaqtaǵy jaǵdaıǵa qatysty málimdeme jasady

BUU qaýipsizdik keńesi Armenııa men Ázerbaıjandy dereý oq atýdy toqtatyp, kelissóz jasaýǵa shaqyrdy. Bul týraly jabyq túrde ótken keńestiń qorytyndysynda BUU janyndaǵy Nıgerııanyń turaqty ókili Abdý Abarrı málimdedi, dep habarlady RIA Novostı. 

"Qaýipsizdik keńesiniń músheleri kúsh qoldanǵandardy qatań túrde aıyptap, adamdardyń qaıtys bolýyna baılanysty ókinish bildirdi" delingen Abarrı BAQ-qa oqyǵan habarlamada. 

Sondaı-aq Abarrı jýrnalısterge Qaýipsizdik keńesi qaqtyǵys aımaǵyndaǵy jaǵdaıdy joıý úshin qolynan kelgenniń bárin jasaıtynyn aıtty.

"Biz jaǵdaıdy tynyshtandyrý úshin qaýipsizdik keńesiniń músheleri retinde qolymyzdan kelgenniń bárin jasaımyz. Qajet bolsa, biz eki ókilmen (Armenııa men Ázerbaıjan) Nıý-Iorkte jáne oqıǵa ornynda ortaq til tabýǵa kómektesý úshin sóılesemiz" dedi BUU janyndaǵy Nıgerııanyń turaqty ókili.