Rýdnyı qalasynyń ákimi qyzmetten ketti

Qostanaı oblysy Rýdnyı qalasynyń ákimi Baqytjan Gaıazov qyzmetinen bosatyldy. Bul týraly qala ákimdiginiń baspasóz qyzmeti habarlady.

Baqytjan Gaıazovtyń jumystan óz erkimen ketý týraly aryzyna Qostanaı oblysynyń ákimi Arhımed Muhambetov qol qoıǵan.

Baqytjan Gaıazov Rýdnyıdy 9 jyl basqarǵan.

Shildede Rýdnyı qalasy ákimi apparatynyń jetekshisi Qashar kentiniń ákimi bıýdjet qarjysyn jymqyrdy dep sotty bolǵannan keıin otstavkaǵa ketken.

Al jýyrda áleýmettik jelide Kırıll Bojko esimdi Rýdnyı qalasy turǵynynyń ultarazdyqty qozdyratyn sózder aıtqan vıdeolary taraǵan. Kóp uzamaı Bojko daýly málimdemeni mas jaǵdaıda aıtqanyn, áreketi úshin ókinetinin jetkizip keshirim suraǵan.

Alaıda qoǵam belsendileri Bojkony ultarazdyqty qozdyrǵany úshin zań sheńberinde jazaǵa tartýdy talap etti. Rýdnyı turǵynyna qandaı jaza qoldanylatyny ázirge belgisiz.