«Almatylyqtar óz qalasyn jaqsy kóredi»

Almaty áskerı-tarıhı mýzeıiniń jetekshisi, belgili qazaq kompozıtory Baqytjan Baıqadamovtyń qyzy Alýa Baıqadamova barlyq almatylyqtar men megapolıs qonaqtaryn qala kúnimen quttyqtady.

«Men almatylyqpyn. Bizdiń dańqty qalamyzdyń ortalyǵynda dúnıege keldim. Men barsha almatylyqtardy osy merekemen quttyqtaımyn. Bul mereke bizge kerek. Biz, almatylyqtar, bul qalany júregimizben, janymyzben jaqsy kórip, ózgeristerdi baıqap otyramyz. Muny áleýmettik jelilerdegi toptardan baıqaýǵa bolady. Árbir almatylyq qalanyń damýyna óz úlesin qosýy kerek. Kez kelgen almatylyq tártip buzýshylyqty baıqasa, tez arada kórsetip, túzetýge atsalysady. Bul degenimiz – adamdardyń nemquraıly emes, óz qalasyn jaqsy kóredi degen sóz. Atalmysh merekeni ótkizý óte mańyzdy, qalamyz týraly áńgimelep berýge árdaıym qýanyshtymyz», — dedi Alýa Baıqadamova.

Sondaı-aq, ol tek almatylyqtar ǵana emes, basqa elderden kelgen qonaqtar da Almaty týraly jyly lebizderin bildiretindigin aıtty.

«Men qalamdy jaqsy kóremin. Qalamnyń ár mezgilin jaqsy kóremin. Qazir kúz bastaldy. Bıylǵy jyly biz ony buryn bolǵan merekelik konserttermen atap óte almaıtynymyz ókinishti. Barlyq almatylyqtar men qonaqtarǵa, qalamyzdy jaqsy kóretinderge – bar jaqsylyqty, amandyqty, densaýlyqty, shattyqty, sáttilik tileımin. Tek biz ǵana emes, búkil álem pandemııany jeńsin degen tilegim bar», — dedi Alýa Baıqadamova.

Aıta ketý kerek, bıyl koronavırýs ınfeksııasynyń taralýyna jol bermeý maqsatynda «qala kúnin» merekeleý aıasyndaǵy barlyq is-sharalar onlaın formatta ótýde.