29 Qyrkúıek, 2020 Barlyq aımaqtar
Foto: vıdeodan skrınshot
Nur-Sultan qalasynda kólikti mas kúıinde júrgizgen júrgizýshiniń vıdeosy áleýmettik jelide taralyp jatyr. Qalalyq polısııa departamentiniń baspasóz qyzmeti júrgizýshiniń ustalǵanyn habarlady.
Departament baspasóz qyzmetiniń habarlaýynsha, mas júrgizýshi tártip buzǵany úshin 20 táýlikke qamaldy.
28 qyrkúıek kúni saǵat 16:00-de "102" nomerine Momyshuly-Jumabaev kóshesimen kele jatqan "Toyota Highlander" kóliginiń jol erejesin buzǵany týraly birneshe habarlama kelip túsken.
"Nur-sultan qalasy polısııa departamentiniń patrýldik polısııa polkiniń qyzmetkerleri 24 jastaǵy júrgizýshini Abylaı han kóshesinde mas kúıinde ustady. Tekserý barysynda jas jigittiń júrgizýshi kýáligi joq ekeni anyqtaldy.
Qazaqstannyń ákimshilik quqyq buzýshylyq týraly kodeksiniń 608-babynyń 6-bóligi boıynsha jáne 599-babynyń 1-bóligi boıynsha birneshe ákimshilik is júrgizý qozǵaldy. Mamandandyrylǵan aýdanaralyq ákimshilik sotynyń qaýlysy boıynsha júrgizýshi 20 táýlikke qamaý túrinde ákimshilik jaýapkershilikke tartyldy. Kólik kommýnaldyq turaqqa qoıyldy" delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir