20 Qyrkúıek, 2020 NEWS

«Men joǵarǵy ǵylymı jáne shyǵarmashylyq eńbekti Qazaqstanda aldym»

Ashyq derekkóz

Almatyda búgin qala kúni atap ótileýde. Bıyl merekege oraı megapolıstiń damýyna qosqan úlesi úshin kórnekti qala turǵyndaryna «Almaty qalasynyń Qurmetti azamaty» ataǵy berildi.

Marapattalǵandardyń arasynda-sáýlet doktory, Qazaq bas sáýlet-qurylys akademııasynyń professory, Qazaq KSR eńbek sińirgen sáýletshisi, Qazaqstannyń halyqaralyq Sáýlet akademııasynyń akademıgi, «KAZGOR» Jobalaý akademııasynyń akademıgi, Qazaqstan halqy Assambleıasynyń múshesi, Qazaqstan Sáýletshiler odaǵynyń múshesi Spırıdon Kosmerıdı bar.

«Qazaqstanda 78 jyl turamyn, qazir 91 jastamyn. Onyń ishinde jobalaý ınstıtýtynda 40 jyl jáne akademııada 30 jyl jumys istedi. Meniń Otanyma degen asqan qurmetimdi tolyq aıtyp jetkizetin sóz joq. Meniń tarıhı Otanym – Gresııa. Men Qazaqstanda alýǵa bolatyn barlyq nárseni aldym. Men Joǵary ǵylymı, shyǵarmashylyq eńbektiń bárin Qazaqstanda aldym. Basqa taǵy qaı elde turyp, jumys istesem osy jetistikterge jete alatynymdy bilmeımin. Men birinshi marapatty 1946 jyly Uly Otan soǵysyndaǵy eren eńbegi úshin aldym. Odan ári qaraı osy marapattardy aldym. Almatyda 50-den astam nysandy jobalap, saldym. Sizderge jáne barsha qazaq halqyna bárimizge, sonyń ishinde maǵan da osyndaı zor kóńil bólgenderi úshin alǵysymdy taǵy da bildirgim keledi. Sizderge kóp raqmet, barshańyzdy osy joǵary marapatpen quttyqtaımyn», — dedi S. Kosmerıdı.

Aıta ketý kerek, Spırıdon Kosmerıdı Qazaqstan Respýblıkasynda 340-tan astam salynǵan nysan jobalardyń avtory. Olardyń ishinde eń tanymaldary — «Ásem» Turmys úıi, Qaraǵandydaǵy Turmys úıi, BLKJO OK ǵımaraty (Tóle bı – Chaıkovskıı), Gorkıı saıabaǵyndaǵy 3500 orynǵa arnalǵan jazǵy teatr jáne taǵy da basqalary bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir