• USD 468.56

  • EUR 497.56

  • RUB 7.3

  • CNY 67.18

28 Naýryz, 22:08:06
Almaty
+35°

Foto: B.Baıbektiń Facebook paraqshasynan

Nur Otan partııasy Tóraǵasynyń birinshi orynbasary Baýyrjan Baıbek Almaty oblysyna jasaǵan jumys sapary barysynda Taldyqorǵan qalasynda bilim berý salasynyń qyzmetkerlerimen kezdesti.

Baýyrjan Baıbek Dúnıejúzilik bank sarapshylarynyń deregi boıynsha, sapaly bilimge qoljetimdiliktiń teńsizdigi adam kapıtalynyń damýyna, ásirese halyqtyń áleýmettik álsiz toptaryna teris áserin tıgizetinin atap ótti. Sondyqtan kezdesýde partııanyń saılaýaldy baǵdarlamasynyń jobasy aıasynda bilim salasynyń ózekti máselelerin talqylap, onyń ishinde pandemııa kezinde qashyqtan oqýǵa baılanysty jaıtter de sóz boldy.

«Qazirgi ýaqytta Almaty oblysynda 38 úsh aýysymdy mektep bar, al 146 mektep – beıimdelgen ǵımarattarda ornalastyrylǵan. «Nur Otan»-nyń oblystyq saılaýaldy jobasyna sáıkes úsh aýysymdy oqýdy joıý úshin 39 jańa mektep, 57 beıimdelgen ǵımarattyń ornyna 45 jańa mektep salý, sondaı-aq 92 bilim berý nysanyna kúrdeli jóndeý júrgizý josparlanýda»,- dep jazdy partııa Tóraǵasynyń birinshi orynbasary Facebook-tegi paraqshasynda.
Onyń aıtýynsha, oqý prosesin sıfrlandyrýǵa jáne aýyldyq jerlerde Internet jelisine qoljetimdilik máselesine erekshe nazar aýdarylatyn bolady.

«Partııamyz músheleriniń úshten biri – ustazdar qaýymy. Sondyqtan Elbasy, partııa Lıderi N.Á. Nazarbaevtyń bastamasymen ótken jyly partııanyń qoldaýymen «Pedagog mártebesi týraly» zań qabyldandy. El Prezıdenti Q.K. Toqaevtyń tapsyrmasy boıynsha 1 qańtardan bastap pedagog qyzmetkerlerdiń eńbekaqysy 25%-ǵa ósedi. Muǵalimderimizdiń eńbek etýine qolaıly jaǵdaı jasaý, olardyń quqyqtaryn qorǵaý partııamyzdyń árdaıym erekshe baqylaýynda bolady»,- dedi ol.

Budan soń Baýyrjan Baıbek Qapshaǵaı qalasyndaǵy «Green Land Alatau» JShS jylyjaı kesheni qyzmetkerlerimen kezdesti. Bul – óńirdegi eń iri jáne tehnologııalyq jabdyqtalǵan óndiristerdiń biri. Onda 10 myń tonnaǵa deıin qyzanaq, qııar jáne salat ónimi ósiriledi.

«Memleket basshysy Q.K. Toqaev halyqqa Joldaýynda aýyl sharýashylyǵy ónimderin tereń óńdeýge erekshe mán berýdi tapsyrǵan bolatyn. Sondyqtan «Nur Otan» partııasy óńirlik saılaýaldy baǵdarlamasynda mal jáne ósimdik sharýashylyqtaryna, aýyl sharýashylyǵy ónimderin óńdeýde jańa tehnologııalardy endirýdi basty mindetterdiń biri retinde qoıdy. AО́K salasynda 10 myńnan asa jumys oryndaryn qurý josparlanýda» - dep atap ótti Nur Otan partııasy Tóraǵasynyń birinshi orynbasary.

B.Baıbektiń Taldyqorǵan qalasyna sapary

Kezdesý barysynda ol kásiporyn qyzmetkerleriniń ótinishterin baqylaýǵa alatynyn jetkizdi. Mysaly, Ásel Jumadilova Ile aýdanynyń eldi mekenderin ınternetke qosýdy, al Aqmaral Ilımhanova partııadan jergilikti káriz jelileri men joldarǵa jóndeý júrgizý jaıyn sheshýdi surady.

Nur Otan partııasy Tóraǵasynyń birinshi orynbasary Qapshaǵaı qalasy boıynsha «Nur Otan» praımerızine qatysýshylarmen de kezdesip, jergilikti turǵyndardy tolǵandyrǵan máselelerdi talqylady.

«Elbasy, partııa Lıderi N.Á. Nazarbaevtyń tapsyrmasymen «Nur Otan» árbir óńir, qala, aýdan boıynsha 216 saılaýaldy baǵdarlamanyń jobalaryn jarııalady. Qapshaǵaı qalasynda taıaýdaǵy 5 jylda aýyl sharýashylyǵy salasynda jańa óndirister qurý, kólik, áleýmettik jáne turǵyn úı ınfraqurylymyn jaqsartý josparlanýda. Sonymen qatar jobanyń keıbir olqy tustaryna da nazar aýdardym. Atap aıtqanda, jalpylama tujyrymdaý, naqty ındıkatorlardyń jetkiliksizdigi, kórsetkishterdiń tómendetilýi jáne t.b. Máselen, elektrondy formatta usynylatyn memlekettik qyzmettiń úlesin tek 75%-ǵa deıin ǵana jetkizý josparlanǵan», - dedi ol.

Talqylaý barysynda praımerız qatysýshylary áleýmettik ınfraqurylym, bilim berý nysandaryn salý, gazdandyrý jáne turǵyn úı kommýnaldyq sharýashylyǵyn jańǵyrtý, qalalyqtardy úzdiksiz sýmen qamtý sekildi basqa da ózekti máselelerdi kóterdi.

Partııa Tóraǵasynyń birinshi orynbasary fılıalǵa barlyq usynysty muqııat qarap, eskerýdi tapsyrdy. Onyń ishinde jastarǵa jumys oryndaryn qurý, ShOB-qa qoldaý kórsetý boıynsha qosymsha sharalardy qolǵa alý júkteldi. Baǵdarlamanyń túpkilikti nusqasy qala turǵyndarymen talqylanǵannan keıin qabyldanady.

Sondaı-aq, osy kúni Baýyrjan Baıbek óńir jurtshylyǵymen de kezdesip, partııanyń Almaty oblysy boıynsha saılaýaldy baǵdarlamasynyń jobasyn talqylady. Jetisý óńiriniń turǵyndaryn osynaý isten syrt qalmaı, Primaries.kz saıty arqyly aımaqty damytý boıynsha óz ıdeıalary men usynystaryn ortaǵa salýǵa shaqyrdy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir