«Almaty – bizdiń mádenı astanamyz»

«Almaty – bizdiń mádenı astanamyz» — zııaly qaýym ókilderi megapolıs turǵyndary men qonaqtaryn qala kúnimen quttyqtaıdy.

Búgin Qazaqstannyń iri megapolısinde qala Kúni toılanýda. Osyǵan baılanysty zııaly qaýym ókilderi Almaty qalasynyń turǵyndary men qonaqtaryn quttyqtaıdy. Olardyń arasynda Almaty qalasy Memlekettik qýyrshaq teatrynyń kórkemdik jetekshisi, Qazaqstannyń eńbek sińirgen qaıratkeri Orazáli Aqjarqyn-Sársenbek te bar.

«Men Almatyǵa 50 jyl buryn keldim. Sodan beri osy qalada turamyn. Men barlyq ýaqyttyń kýási boldym. Qalanyń qalaı damyp, órkendegeni kóz aldymda bolyp jatty. Sońǵy jyldary kóptegen jumys atqarylǵanyn aıta ketý kerek. Biz kóshelerdiń, qala keńistiginiń ózgergenin kórip jatyrmyz. „Bolmys – sanany anyqtaıdy“ degen bir jaqsy sóz tirkesi bar. Iаǵnı, adam ózi turǵan jeri men ortasyna uqsaıdy. Joǵaryda aıtyp ketkenimdeı, qalanyń ózgergen birneshe kezeńderin kórdim. Bizdiń jańa býyn urpaǵymyz, jastarymyz búgingi Almatyǵa qarap, sana-sezimderi durys qalyptasyp, mádenı damýylaryna zor yqpal etedi dep sanaımyn», — dedi teatr basshysy.

Orazáli Aqjarqyn-Sársenbek qalany transformasııalaý boıynsha júrgizilip jatqan jumystardy da atap ótti.

«Mádenıet kózi – óner. Eger biz, óner adamdary, qyzmetimiz arqyly adamdarǵa, olardyń rýhanı damýyna yqpal etetin bolsaq, onda qala ákimshiligi tartymdy, sáýletti qalanyń syrtqy pishinin jasaı otyryp, biz sııaqty Almaty turǵyndarynyń mádenı sanasyna teń dárejede áser etedi. Buryn bolǵan Almaty men qazir kórip otyrǵan Almatynyń arasyndaǵy úlken aıyrmashylyq bar. Almaty – bizdiń mádenı astanamyz. Biz adamdardy, olardyń mádenıetin, ótkenin olardyń ómir súrý ortasyna qarap baǵalaımyz. Bizdiń qalamyzǵa kelgen sheteldik qonaqtar halqymyzdyń mádenıetin, tarıhy men dástúrin joǵary baǵalaıdy dep oılaımyn. Men qala ákimshiligine osy kúnge deıin atqarǵan jáne qazir júrgizip jatqan jumystary úshin alǵys aıtamyn. О́z atymnan, bizdiń memlekettik qýyrshaq teatrymyzdyń atynan almatylyqtardy búgingi qala kúnimen shyn júrekten quttyqtaımyn. Odan ári gúldene berýine, damýyna tilektespin!» — dep Orazáli Aqjarqyn-Sársenbek óz tilegin bildirdi.