dáriger Tileýberdi Qýandyqov «Almaty qalasynyń Qurmetti azamaty» ataǵyn aldy

24 jyldyq tájirıbesi bar dáriger Tileýberdi Qýandyqov «Almaty qalasynyń Qurmetti azamaty» ataǵyn aldy.

Almatyda Qala kúni qarsańynda megapolıstiń damýyna eleýli úles qosqan on azamatqa «Almaty qalasynyń Qurmetti azamaty» ataǵy berildi. Qurmet marapatynyń ıegerleri arasynda túrli mamandyq ókilderi, sonyń ishinde densaýlyq saqtaý salasynyń qyzmetkerleri bar.

Qala turǵyny retinde jasaǵan qyzmeti úshin A. N. Syzǵanov atyndaǵy UǴHO-nyń anestezıologııa jáne reanımatologııa bóliminiń meńgerýshisi, Almaty qalasy QDSB-nyń shtattan tys bas anestezıolog-reanımato-logy, medısına ǵylymdarynyń kandıdaty, joǵary sanatty dáriger Tileýberdi Qýandyqov «Almaty qalasynyń qurmetti azamaty» ataǵyn aldy.

Qýandyqov Tileýberdi 24 jyldan astam medısına salasynda jumys istep keledi. Ol 75-ten astam ǵylymı eńbekter jazdy. Álemdegi eń úzdik joǵary oqý oryndarynyń biri Djons Hopkıns ýnıversıtetinde (AQSh) bilim alǵan. Ol aǵzalardy transplanttaý otasynda anestezııanyń álemdik eń jańa tehnologııasyn alǵashqylardyń biri bolyp qoldandf. qoldandy. Baýyrǵa ota jasaý kezinde kóktamyr ishine anestezııa jasaý ádisi boıynsha patent aldy.

Q. Tileýberdi qalanyń klınıkalarynda da, Respýblıkanyń basqa óńirlerinde de aýyr naýqastarǵa kómek kórsetedi jáne keńes beredi. Covid-19 pandemııasy kezinde qurylǵan anestezıologııa jáne reanımatologııa Ortalyǵynyń basshysy bolyp jumys isteıdi. Osy Ortalyqtyń táýlik boıǵy jumysynyń nátıjesinde qalada koronavırýs ınfeksııasymen aýyrǵan naýqastardyń ólimi qysqa merzimde birneshe esege azaıdy.

Qýandyqov Tileýberdi qoǵamdyq qyzmetpen belsendi aınalysady. Ol Eýropa anestezıologtar qoǵamynyń RBQ «Anestezıologtar men reanımatologtar Federasııasy» basqarmasynyń jáne UǴHO-nyń Ǵylymı keńesiniń múshesi. Ol sondaı-aq QR Densaýlyq saqtaý Mınıstrliginiń táýelsiz sarapshysy.

Kóptegen marapattyń ıegeri, sonyń ishinde «Qurmet» ordeni, «Densaýlyq saqtaý isiniń úzdigi» belgisi, Qazaqstandaǵy «Jyl adamy» belgisi, «Altyn adam» syılyǵy. «Qazaqstannyń 100 jańa esimi» ulttyq baıqaýynda jeńiske jetken.

T.Qýandyqovty biletin áriptesteri men basqa da adamdar ony qalanyń densaýlyq saqtaý júıesine, onyń ishinde eldiń jáne álemniń jalpy medısınasyna qosqan úlesine joǵary baǵa berdi.

«Almaty qalasynyń anestezıologtary men reanımatologtarynyń ishindegi myqtysy. Men Almaty qalasynyń Densaýlyq saqtaý basqarmasyn 3 jyl basqardym jáne biz onymen barlyq kúrdeli jaǵdaılar, jekeleı alǵanda, analar ólimi boıynsha komıssııada birge qyzmet etti. Men densaýlyq saqtaý júıesinde 40 jyl istedim, odan myqty kásibı mamandy kórgen emespin.Osyndaı kásibı mamandy qurmetti azamattar tiziminen kórgende qatty qýandym. Ol soǵan laıyq azamat», — dep atap ótti Qoǵamdyq keńestiń múshesi Jannat Qasymjanova.

Sonymen birge, ol T. Qýandyqovtyń organdardy aýystyrý boıynsha birinshi toptyń jumysyna tikeleı qatysqanyn atap ótti.

Koronavırýs pandemııasy kezinde T. Qýandyqov aldyńǵy qatarda qyzmet etip keledi.

«Naýqastardy emdeýge belsendi qatysty. COVID-19 órshigen kezde jansaqtaý bóliminde jatqan barlyq jaǵdaıy aýyr naýqastarǵa keńes berdi. Eshqashan qandaı jaǵdaı bolmasyn qandaı da bir sebeppen aýyr jaǵdaıdaǵy naýqastarǵa keńes berýden bas tartpaǵan adam. Ol respýblıkamyzdyń anestezıolog jáne reanımatologtar arasynda úzdik mamandardyń biri.Ákimdiktiń osyndaı qurmetke laıyq azamatty tapqany qýantady. Almatynyń qurmetti azamaty retinde ol myńdaǵan adamnyń ómirin qutqardy. Ol Almaty qalasynyń odan arǵy damýyna da úlken úles qosady», — dep atap ótti ol.