09 Qyrkúıek, 2020 NEWS

Almatyda oqýshylar úshin 500 noýtbýk saltanatty túrde tapsyryldy

almaty_akimat

Almatyda Bilim berýde jańa tehnologııalardyń qalalyq ǵylymı-ádistemelik ortalyq bazasynda qalaǵa oqýshylar úshin 500 noýtbýk saltanatty túrde tapsyryldy

«Búgin SALIQALY URPAQ qaıyrymdylyq qory oqý ozattary men jaqsy oqıtyn oqýshylarǵa esh qaıtarymsyz 500 noýtbýkty paıdalanýǵa berdi. Qazirgi ýaqytta qashyqtan oqý formatyn eskere otyryp, bul óte jaqsy kómek. Bul balalardyń sapaly bilim alýlaryna múmkindik beredi dep oılaımyn. Atap ótetini, karantın bitkennen keıin atalǵan noýtbýktar balalarǵa syı retinde qalady. Bul kompıýterler balalarǵa olımpıadalarǵa, ǵylymı zertteýlerge qatysqan kezde qajet bolady», — dedi Lázzat Jylqybaeva.

«SALIQALY URPAQ» qoǵamdyq qorynyń dırektory Qasym Qasabekovtyń aıtýynsha, negizgi maqsat — balalardyń bolashaǵana úles qosý.

«SALIQALY URPAQ qoǵamdyq qory túrli sebeptermen noýtbýk satyp ala almaıtyn otbasylarǵa kómektesý úshin 500 noýtbýkty Almaty qalasynyń Bilim basqarmasyna berdi. Bizdiń maqsatymyz – urpaǵymyzdyń bilim alýyna úles qosý, sebebi bilimdi urpaq – eldiń bolashaǵy. Búgingi aksııanyń kómegimen biz balalar men urpaǵymyzdyń jarqyn bolashaǵyna sebepker bolyp otyrmyz», — dedi Qasym Qasabekov.

Shara barysynda Alataý, Naýryzbaı, Túrksib aýdandarynyń kópbalaly analaryna jańa noýtbýktar tabys etildi.

«Qashyqtan oqytý kezinde Almaty ákimdigi bizge kóp kómektesti. Mektepten bizge eki noýtbýk jáne eki sım karta bólindi. Úıde 6 bala bolǵannan keıin, ókinishke qaraı, oqýǵa eki noýtbýk bizge azdyq etti. Endi qazir bizge SALIQALY URPAQ qory taǵy bir noýtbýkty syıǵa tartty. Alǵysymyz sheksiz. Bul balalarymnyń oqýda joǵary jetistikterge jetýlerine kómektesedi dep oılaımyn», — dep alty balanyń anasy Jańylsyn Otbaeva alǵysyn bildirdi.

Koronavırýs ınfeksııasynyń taralýynyń aldyn alýda oqý jylynyń basynan beri Almaty qalasynyń barlyq mektepteri qashyqtan oqý formatyna aýystyrylǵanyn eske salamyz.

Almaty qalasynyń ákimi Baqytjan Saǵyntaevtyń tapsyrmasymen bıýdjet qarjysynyń esebine 77 myń muǵalim men oqýshylardy kompıýterlik tehnıkamen qamtamasyz etý jumysy júrgizilýde. Búginde shamamen 50 myńy berildi. Qalǵan tehnıka 15 qyrkúıekke deıin tapsyrylady. Ata-analarmen tıisti túsindirý jumystary júrgizilýde.

Atap ótetin jaıt, Bilim basqarmasy kompıýterlermen qamtamasyz etýdi mektepterdiń satyp alý esebinen, jan basyna qarjylandyrý esebinen, jergilikti bıýdjet esebinen jáne bıliktiń kompıýterlik tehnıka rezervi esebinen, sonymen birge demeýshilerdi tartý arqyly júzege asyrýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir