Almatyda aýyr jol apaty boldy

Almatyda eki kóliktiń qatty soqtyǵysýy vıdeoregıstratorǵa túsip qaldy.

Almaty polısııa departamenti bul oqıǵanyń 28 qyrkúıek kúni saǵat 05.30 shamasynda bolǵanyn habarlady.

Folksvagen Polo kóliginiń júrgizýshisi Muqanov kóshesimen ońtústik baǵytta kele jatyp, Tóle bı dańǵylynyń qıylysynda baǵdarshamnyń qyzyl túsinen ótip, sol jerde Tóle bı kóshesimen batys baǵytta kele jatqan Hyundai Sonata avtokóligimen soqtyǵysqan.

Jol-kólik oqıǵasy saldarynan Hyundai Sonata avtokóliginiń jolaýshylary men Volkswagen júrgizýshisi jaraqat alǵany belgili boldy.

Polısııa departamentiniń málimetinshe, qazirgi ýaqytta bul fakt boıynsha qylmystyq kodekstiń 345-baby (Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy) boıynsha tergeý júrgizilip jatyr.

Polısııa qyzmetkerleri tıisti saraptamalar taǵaıyndady.