Foto: vıdeodan skrınshot
Aqtóbede balalarǵa arnalǵan "Shaǵala" shıpajaıynda jetim balany súlgimen urǵan tárbıeshi jumystan shyǵaryldy. Bul týraly "Moı gorod" portaly habarlady.
Portaldyń habarlaýynsha, shıpajaıdyń 57 jastaǵy Qobda esimdi tárbıeshisi balalar úıiniń 10 jasar tárıelenýshisin adamdardyń kózinshe súlgimen urǵan. Bir bala osy sátti vıdeoǵa túsirip alyp, vıdeony onyń ata-anasy áleýmettik jelide taratyp jibergen.
Kadrlardan balalardyń edende otyrǵanyn, aq halatty áıeldiń bir balany súlgimen urǵanyn kórýge bolady. Bala aıqaılasa da áıel ony birneshe ret urady. Alǵan soqqydan bala basyn ustap jylaıdy. Kadrdan "bizdi tápishkemen de urady" degen daýys estiledi.
Vıdeo jarııalanǵannan keıin polısııa men prokýrorlar balalar shıpajaıyna baryp, oqıǵa boıynsha qylmystyq kodekstiń 140-baby 2-bóligi ("Kámeletke tolmaǵan adamdy tárbıeleý jónindegi mindetterdi oryndamaý") boıynsha sotqa deıingi tergeý bastap, saraptama taǵaıyndaǵan.
Muǵalimniń 20 jyldyq tájirıbesi bar ekeni anyqtaldy. Onyń sózinshe, bala ony ashýlandyrǵan soń súlgimen ura bastaǵan.
Aqtóbe qalasynyń Almaty aýdandyq polısııa bólimi júrgizgen sotqa deıingi tergeý eki jaqtyń tatýlasýymen aıaqtalyp, qylmystyq is júrgizý toqtatyldy.
Balaǵa qol jumsaǵan tárbıeshi men janynda bolǵan tárbıeshi eńbek kodeksiniń 52-baby, 14-tarmaǵy boıynsha jumystan shyǵaryldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir