• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 10:28:48
Almaty
+7°

Ispanııa úkimeti Madrıd bıligin qalada koronavırýs boıynsha shekteýlerdi qatańdatýǵa shaqyrdy. Ispan bıliginiń málimetinshe, qatań shekteýlersiz turǵyndar úshin "úlken qaýip" týyndaıdy.

Madrıd juma kúni Covid-19 taralýy aýyr aımaqtardaǵy shekteýlerdi uzartty, biraq búkil qalany lokdaýnǵa alýdan bas tartty.

Senbide Ispanııanyń densaýlyq saqtaý mınıstri Salvador Illa qazirgi shekteýler jetkiliksiz bolǵanyn aıtty.

Ol pandemııany baqylaýǵa alý úshin "bel sheshe qımyldaıtyn ýaqyt keldi" dedi.

"Turǵyndar úshin, kórshiles aımaqtar úshin úlken qaýip bar" degen mınıstr azamattardyń densaýlyǵyn birinshi orynǵa qoıýǵa jáne búkil qalany ishinara buǵattaýǵa shaqyrdy.

Ispanııanyń aımaqtary densaýlyq saqtaý salasyna jaýapty, sondyqtan ortalyq úkimettiń ózi qalaǵan shekteýlerdi qoıýǵa quqyǵy joq.

Madrıd taǵy da Ispanııanyń koronavırýs epıdemııasynyń epısentrinde, qala osy jyldyń alǵashqy shyńynda bolǵan edi. Elde juma kúni taǵy 12 272 jaǵdaı tirkelip, olardyń jalpy sany 716 481-ge jetti, bul – Batys Eýropadaǵy ınfeksııanyń eń joǵary kórsetkishi.

Ispanııada jáne soltústik jarty shardaǵy kóptegen basqa elderde sońǵy aptalarda koronavırýs pandemııasyneyń ekinshi tolqyny baıqaldy.

Dúnıejúzilik densaýlyq saqtaý uıymy (DDU) qystyń jaqyndaýyna baılanysty Eýropada jáne basqa jerlerde vırýstyń qaıta jandanýy týraly qatań eskertý jasady.

"Qamshy" silteıdi
Ilmek sózder: Ispanııa

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir