• USD 468.56

  • EUR 497.56

  • RUB 7.3

  • CNY 67.18

28 Naýryz, 17:05:48
Almaty
+35°

Foto: Oblystyń baspasóz qyzmeti

"Jerde bir jetim jylasa, kókte perishte muńaıady" deıdi dana halqymyz. Muqtajdyń basyndaǵy jaǵdaıdy surap bilip, qajetin óteý árbir sanaly azamattyń buljymas mindeti. Osy qaǵıdany jaqsy biletin meıirimdi jandar Jańasharýa aýyldyq orta mektebine baratyn oqýshylarǵa demeýshilik kórsetip, qajetti qural-jabdyqtar men kórnekilikter áperdi.

Qazaqstan Respýblıkasynyń Prezıdenti Qasym-Jomart Toqaevtyń tapsyrmasymen qolǵa alynǵan respýblıkalyq "Mektepke jol" aksııasyna belsene qatysyp júrgen Eńbekshiqazaq aýdanynyń Qurmetti azamaty, oblystyq máslıhat depýtaty Jangeldi Osan el ıgiligi jolynda aıanbaı eńbek etip júrgen jannyń biri.

Aýdandaǵy bilim salasynyń damýyna, oqýshylardyń qashyqtan oqý kezinde bilim nárimen sýsyndaýyna qoldaý kórsetýden tanbaǵan ol bıyl 1-synypqa kelgen 11 búldirshinge mektep qural-jabdyqtaryn, kópbalaly, az qamtylǵan, tolyq emes 6 otbasyna noýtbýk áperip, COVID-19 indetiniń taralýynyń aldyn alýǵa qajetti dezınfeksııalyq qurylǵyny mektepke syıǵa tartty. Qolyndaǵysyn ıgilikti iske, qaıyrymdylyqqa jumsap, muqtaj jandardan kómegin aıamaı tyn Qurmanjanovtar áýleti de áleýmettik jaǵdaıy tómen 14 otbasynyń balalaryna 11 dana LENOVO planshetin jáne 3 dana SAMSUNG planshetin tartý etti. Odan bólek, Qalıjan Alpysbaev, Ádilbek Orynbaev, Sáken Taýbaldıev, Nurgúl Seıkýmova, Erlan Raqymjanov, Dáýren Kenjebekov, Maqsat Rysbaqov, Serik Átejanov syndy aýyl azamattary «Mektepke jol» aksııasy aıasynda izgilikti iske uıytqy bolyp, oqýshylardyń laıyqty bilim alýyna járdemdesip otyr.

Kómek kórsetken barlyq azamatqa mektep ujymy atynan alǵys bildiremiz! Jasaǵan jaqsylyqtaryńyzdyń qarymy eselep qaıtsyn deımiz!

"Qamshy" silteıdi
Ilmek sózder: Almaty oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir