26 Qyrkúıek, 2020 Almaty oblysy

Gaz qazandyǵyn syılady

Foto: Oblystyń baspasóz qyzmeti

"Qaıyrymdylyq jasa – qaıyryn óziń kóresiń!" Almaty oblysynda muqtaj jandarǵa kómek qolyn sozyp, járdemdesýshiler qatary kún sanap artyp keledi. Solardyń biri - «Lıder NSK» JShS dırektory Nurbolat Kárimov.

Kásipker bul joly Talǵar qalasyndaǵy taǵy bir otbasyn qýantty. Baqytgúl Másilbaevanyń otbasyna kógildir otynǵa tutynatyn qondyrǵyny satyp alyp berdi.         Baqytgúl Másilbaeva – úsh bala tárbıelep otyrǵan ana. Bireýi – múgedek. Búginge deıin úıin gazǵa qosý úshin jalǵyz basty ana kún-tún dep bir ózi qarjy jınap keldi. Endi, mine, qaıyrymdy jandardyń arqasynda kómir tasý ot jaǵý mashaqanyna qutylyp otyr.

– Meniń qýanyshymda shek joq, endi úıimizde gaz bolady. Balalardy jalǵyz tárbıelep otyrǵandyqtan, maǵan bárin bir ózim jasaý qıyn bolǵany ras. Ásirese, qys kezinde. Keıde otyn, kómir taýsylyp qalǵanda qatty qınalatynmyn. Gaz tipti jaqsy boldy. Kómirge tonnalap alǵanda qarjy kóp ketetin. Endi gazda aqsha da únemdeledi. Otbasyma osyndaı qýanysh syılap otyrǵan kásipkerlerge jergilikti azamattarǵa aıtar alysym sheksiz, - dedi Baqytgúl Másilbaeva.

Jalǵyz basty anaǵa qazandyqty ornatýǵa jáne barlyq qajetti qujattardy jasaýǵa Talǵar qalasy ákimdiginiń qyzmetkerleri kómektesetin bolady. Aıta ketsek, Nurbolat Kárimovtyń ıgilikti isi bul ǵana emes. Múmkindiginshe, ár kez kómek kórsetýge daıynmyn deıdi kásipker. Osy otbasy týraly bilgende men olarǵa kómektesýge sheshim qabyldadym. Qys kózi qyraýda kómir tasyp, peshtiń otyn qyzdyryp otyrý, árıne, qıyn, ońaı jumys emes. Ári qaýipti. Qazir múmkindik kóp qoı. Gaz qosyp alsa, eń yńǵaılysy osy, – deıdi Nurbolat Karımov.

Ilmek sózder: Almaty oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir