Ýkraınada bolǵan ushaq apatynan 25 adam qaza tapty

25 qyrkúıek, keshe Ýkraınanyń Harkov oblysynda ýkraın qarýly kúshteriniń AN-26 áskerı ushaǵy apatqa ushyrady. Bul týraly korrespondent.net habarlady. 

Ushaq áskerı daıyndyq bóliminiń aerodromy ornalasqan Chýgýev qalasynyń mańyna qonǵan kezde qulaǵan. Bortta ekıpajdan basqa, Ýkraınanyń Harkov AÁK kýrsanttary bolǵan.

Sońǵy málimetter boıynsha, ushaq apaty saldarynan 25 adam qaıtys bolǵan.

– Osy mınýtqa deıin 25 adam qaıtys boldy, aýyr jaralanǵan 2 adam medısınalyq mekemelerge jetkizildi, qalǵandaryn izdeý jalǵasýda, –  dep habarlady Ýkraına Bas prokýratýrasynyń baspasóz qyzmeti.

Oqıǵaǵa baılanysty "apattar men aýyr zardaptarǵa ákep soqqan ushý erejelerin buzý jáne olarǵa daıyndyq týraly" baby boıynsha qylmystyq is qozǵaldy.

Ýkraına prezıdenti Vladımır Zelenskıı qaıǵyly oqıǵa ornyna baratyndyǵyn aıtty.

– Biz shuǵyl túrde barlyq qaıǵyly jaǵdaı men sebepterdi tergeý jónindegi komıssııa quryp jatyrmyz. Men tıisti tapsyrmalardy premer-mınıstrge berdim. Izdestirý toby qazirdiń ózinde jumys istep jatyr. Erteń men Harkov oblysynda bolamyn, – dep jazdy Zelenskıı óziniń Telegram-kanalynda.