25 Qyrkúıek, 2020 NEWS

«Nur Otan» partııasyna jańa múshelerdi qabyldaý kezinde bolǵan olqylyqtar anyqtaldy

Kórneki sýret

«Nur Otan» partııasynyń Ortalyq apparaty Nur-Sultan qalasynda jańa múshelerdi qabyldaý kezinde bolǵan olqylyqtardy anyqtady. Bul týraly Partııalyq baqylaý komıtetiniń otyrysy barysynda belgili boldy. 

Elbasy, Partııa Lıderi Nursultan Nazarbaevtyń partııaishilik saılaýda ashyq, anyq jáne ádil daýys berýdi qamtamasyz etý qajettigi týraly tapsyrmasyn oryndaý aıasynda «Nur Otan» Ortalyq apparaty partııanyń jańadan qabyldanǵan músheleri men «Praımerız» aqparattyq júıesinde tirkeýden ótkenderge taldaý júrgizedi.

Osylaısha, kezekti tekserý barysynda elordada «Azııa Ortalyq Snab» JShS bastaýysh partııa uıymy qabyldaǵan 2466 jańa partııa múshesiniń eseptik málimetteri rastalmady. Osy oraıda, 11 qyrkúıekten 4 qazanǵa deıin partııaǵa qabyldaýdyń toqtatylýyna qaramastan, 12-17 qyrkúıek aralyǵynda munyń ary qaraı da júzege asyrylǵany anyqtaldy.

– Bul óreskel tártip buzýshylyqtar. Bizge partııada jeke «qajetti» kandıdattar úshin daýys berýdi uıymdastyrýǵa arnalǵan ózderiniń bir sáttik máselelerin sheshetinder, jáı ǵana qara kóbeıtetinder qajet emes. Sondyqtan daýys berý kezinde yqtımal burmalaýlardy boldyrmaý úshin praımerız kezeńinde partııaǵa qabyldaý toqtatyldy. Osy faktilerdi eskere otyryp, partııanyń astanalyq fılıaly «Azııa Sentr Snab» JShS BPU-daǵy barlyq partııa músheleriniń derekterin salystyryp, tekserýi tıis, – dep málimdedi Partııalyq baqylaý komıtetiniń tóraǵasy Pavel Kazansev.

Baspasóz qyzmetiniń málimetinshe, Partııalyq baqylaý komıtetiniń tekserýi barysynda partııa múshelerin bir telefon nómirimen tirkeý derekteri anyqtaldy.

Mysaly, Aqmola oblysynyń Býrabaı aýdanynda «Bilim Býrabaı» jáne «Birlik Býrabaı» BPU-da partııanyń 105 múshesiniń bir telefon nómiri bar. Al Qaraǵandy oblysynyń Balqash qalasynda «Ardager», «Gúlder», «Balqash stansııasy» jáne «Shıpager» BPU-da bir telefon nómiriniń ıeleri 279 adam boldy.

Otyrys qorytyndysy boıynsha aımaqtyq jáne aýmaqtyq partııalyq baqylaý komıssııalaryna barlyq aıqyndalǵan faktilerdi anyqtap, kinálilerdi jazalaý tapsyryldy.

Eske sala keteıik, buǵan deıin partııa Tóraǵasynyń birinshi orynbasary Baýyrjan Baıbek praımerızde onlaın-daýys berýdiń ashyqtyǵyn qamtamasyz etý úshin arnaıy rastaý (verıfıkasııa) júıesi (ınternet-bankıng úlgisi boıynsha jeke tulǵany anyqtaý) qoldanylatynyn aıtqan bolatyn.

Júıe qaǵıdaty: «Bir daýys, bir JSN, bir mobıldi nómir jáne bir IP-mekenjaı». Iаǵnı, eshkim eki ret kire almaıdy jáne tıisinshe, basqa adamǵa daýys bere almaıdy. Munyń bári ár túrli burmalaýshylyqtardy, aıla-sharǵyny, sondaı-aq, jappaı daýys berýge májbúrleýdi boldyrmaý úshin istelip otyr.

Partııanyń baspasóz qyzmeti barlyq tártip buzýshylyq derekteri boıynsha 8 (800) 080 4441 «jedel jelige» (qońyraý shalý tegin) nemese  [email protected] elektrondyq poshtaǵa  habarlasýǵa bolatynyn atap ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir