Foto: qamshy.kz
Densaýlyq saqtaý mınıstrliginiń resmı ókili Baǵdat Qojahmetov Facebook áleýmettik jelisinde dárigerlerdiń qyzmetin synaǵandardy "aq halatty jandardy jamandap, atyn shyǵarǵysy keletinder" dep atady.
"Bordıýrge, ákimge, qoınynda jatqan áıeline renjise de óshin aq halatty abzal jandardan alady. Olar asa meıirimdi jandar emes pa, bárine shydaıdy. Medsestrany qazaq bekerden MEIIRbıke demeıdi ǵoı. Kúndiz áleýmettik jelide onyń "betine túkirip, taban súrtip", keshke jan qınalyp aýyrǵanda túk bolmaǵandaı yńqyldap sol dárigerge baryp emdeletinder bar. ARAMyzda. Meniń áriptesterim joq emes olardyń ishinde" dep jazdy Qojahmetov.
Ol jazbasynda dárigerler men aýrýhanany "jamandaý" áleýmettik sánge aınalǵanyn, atyn shyǵarǵysy kelgender "Mınzdravqa tısetinin" jetkizgen.
"Jalpy bireýdi jamandap ataq shyǵaratyndar kóbeıip ketti. Búgingi kúnniń áleýmettik sánine (modasyna) aınalǵany – dárigerlerdi, aýyrýhanalardy, Denmındi "tepkileý", jamandaý. О́zin ózi batyr kórsetip, atyn shyǵarǵysy keletinder, sol baıaǵy Mınzdravqa tısedi. Chellendj sııaqty. Jurttan qalamyz ba, dep.
Atam aıtýshy edi: – "bilgen boǵyn jesin", dep. Biraq oıymda júrgenin jetkizgim keldi. Árıne, bir demde qoǵam ózgerip mádenıetimiz órbip ketpeıdi. Biraq ár adam istegenine, oıymen aıtqan sózderine bir kúni jaratýshynyń aldynda jaýap beredi. Oǵan kúmánim joq.
Sonymen qosa aıtaıyn degenim, emshilerdiń namysyn qorǵaıtyndar aramyzda az emes. Sonyda bilip júreıik, degenim ǵoı" delingen jazbada.
Keı jýrnalıster men qoǵam belsendileri Qojahmetovtiń sózimen kelispeı, azamattardyń densaýlyq saqtaý mınıstrligi men dárigerlerdi synaýyn "jamandaý" degenine narazylyǵyn jetkizip jatyr.
Jýrnalıst, "Munara" gazetiniń bas redaktory Serikbol Hasan "Synaý men jamandaý – ekeýi eki bólek nárse. Baıqaýymsha, synnyń kópshiligi Soıǵa baǵyttalyp otyr. Jalpy dárigerlerge emes" dep jazdy.
Jýrnalıstıka jáne kıno zertteýshisi Moldııar Ergebekov qoǵammen bulaı baılanys ornatýǵa bolmaıtynyn atap ótti.
"Densaýlyq saqtaý mınıstirliginiń baspasóz hatshysy ma, túsinbedim, alaıda halyqpen boq arqyly kópir ornatyp júr eken. Ol jaǵy túsinikti boldy. Sózinde dálel de, dáıek te joq. Tańerteń uıqysynan turǵanda, týaletke baryp kópir ornatyp otyrǵan kezinde jaza salǵan sııaqty. Memqyzmetkerge "jarasatyn" post" delingen jazbada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir