24 Qyrkúıek, 2020 NEWS

Qostanaı turǵynynyń taǵy bir daýly vıdeosy shyqty

Foto: vıdeodan skrınshot

Jýyrda ýkraınalyq youtube-arnaǵa bergen suhbatta qazaq halqyn qorlaıtyn, ultarazdyqty týdyratyn sózder aıtqan vıdeosy shyqqan Qostanaı oblysynyń turǵyny Kırıll Bojkonyń taǵy bir vıdeosy tarap jatyr. Qostanaılyq azamat bul joly "Qazaqstan halqynyń 99,9 paıyzy Qazaqstanǵa Reseı áskeriniń kirgenin qalaıdy" dep aıtqan.
 
Bas-aıaǵy joq bir jarym mınýttyq vıdeodan Kırıll Bojkonyń áldekimge suhbat berip otyrǵanyn kórýge bolady.
 
"Men, men ǵana emes, Qazaqstan halqynyń 99,9 paıyzy, onyń ishinde qazaqtar da bar Reseı áskerin qushaq jaıa qarsy alýǵa ázir. Biraq olar kelmeıdi. Biz Reseıge kerek emespiz" degen ol óziniń ımperııashyl adam ekenin, Keńes odaǵy sekildi ımperııanyń qurylýyn jaqtaıtynyn aıtady. Vıdeo Bojkonyń "bul – orystardyń kúshin biriktiredi" degen jerinen aıaqtalady.
 
Buǵan deıin Kırıll Bojko qazaq halqy men tilin qorlaıtyn sózderdi mas kúıde aıtqanyn jetkizip, keshirim suraǵan.
 
Áleýmettik jelide keıbir zańgerler qostanaılyq azamattyń sózinde qylmystyq quram bar ekenin atap ótip, ol keshirim surap qutylyp ketpeı, qylmystyq kodekstiń 174-baby (áleýmettik, ulttyq, rýlyq, násildik, tektik-toptyq nemese dinı arazdyqty qozdyrý) boıynsha jaýapqa tartylýǵa tıis" dep jazǵan.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir