"О́zinshe patsha..." Jeli qoldanýshylary rektordyń kabınetin synǵa aldy (vıdeo)

Áleýmettik jelide Semeı qalasyndaǵy Shákárim Eskendirov atyndaǵy ýnıversıtet rektorynyń kabıneti qyzý talqylanyp jatyr. Vıdeo JexeNews Telegram arnasynda jarııalandy.

Arnanyń málimetinshe, kabınettiń kólemi 250 sharshy metr. Kabınet jeke sanıtarlyq torap, dálizder, demalys bólmeleri, qabyldaý bólmesi jáne sóılesý bólmesinen turady.

"Rektordyń kabınetine ýnıversıtet korpýsynyń bir blogy berildi. Kez-kelgen ákim qyzyǵady. Tipti mınıstrler de qyzyǵady. Múmkin eks-rektor pátersiz kún saıyn túnegen shyǵar? Qyzmetke adaldyǵyn elestetý qıyn. Jergilikti turǵyndardyń aıtýynsha, bul keńseden barlyq múlikti alyp tastaýǵa úsh kún qajet boldy. Eger osyndaı joǵary oqý ornynda osyndaı jaǵdaı bolyp jatsa, basqasynan ne kútýge bolady? О́zinshe patsha..." delingen jazbada.

Rektor mindetin atqarýshy Muhtar Baıjumanov "Lıter" basylymyna bergen suhbatynda bul kabınetke burynǵy rektor jalǵyz ózi ıelik etkenin aıtty.

– Men muny rastaımyn. Ýnıversıtette tekserý júrgiziledi. Bul bólmeni almaımyn. Birinshi basshyǵa 50 sharshy metr kabınet berilýi kerek. Qalǵan aýmaq stýdentter aýdıtorııasyna aınalady, – dep jaýap berdi ol.

Muhtar Baıjumanov qaıta uıymdastyrý aıaqtalǵanǵa deıin jáne rektordyń bos laýazymynyń konkýrs qorytyndysy shyqqanǵa deıin basshy mindetin atqaratyn bolady.

Basylymnyń habarlaýynsha, qazirgi ýaqytta Qazaqstannyń zańnamasyn buzý deregimen ýnıversıtettiń qarjy-sharýashylyq qyzmetine syrtqy aýdıt júrgizilip jatyr. Sondaı-aq ýnıversıtette keıbir azamattar Muhtar Baıjumanovtyń jumysyna jáne aýdıt júrgizilýine kedergi jasaýǵa tyrysqan.

Atalǵan fakti boıynsha bas prokýratýra men ishki ister mınıstrligine shara qoldaný jáne kináli tulǵalardy jaýapkershilikke tartý úshin tıisti ótinishter joldandy.