Qazaqstan Lıvanǵa 42 mıllıon teńge qarjylaı kómek beredi

QR Úkimetiniń tótenshe rezervinen Lıvanǵa 100 myń dollar (42 mln teńgeden astam) esebinde gýmanıtarlyq kómek berý josparlanyp otyr. Bul týraly QR Úkimeti saıtynda "Lıvan Respýblıkasyna resmı izgilik kómek kórsetý úshin Qazaqstan Respýblıkasy Úkimetiniń tótenshe rezervinen qarajat bólý týraly" qaýlysynda  jarııalandy. 

Qazaqstan izgilik kómek úshin kerekti qarajat tabıǵı jáne tehnogendik sıpattaǵy tótenshe jaǵdaılardy joıý úshin 2020 jylǵa arnalǵan respýblıkalyq bıýdjette kózdelgen úkimettiń tótenshe rezervinen alynbaq.

Qarajatty zańnamada belgilengen tártippen arnaıy banktik shotqa aýdarýylady.

Buǵan deıin Beırýt teńiz portynda joıqyn jarylys bolǵan. Oǵan alty jyl ishinde 2750 tonna ammıak selıtrasynyń durys saqtalmaýy sebep bolǵan. Jarylys saldarynan kem degende 150 adam kóz jumyp, 5000-ǵa jýyq adam jaraqat aldy. Tótenshe jaǵdaı saldaryn joıý maqsatynda Qazaqstan áskerı dárigerler tobyn Lıvanǵa jibergen. Qazaqstandyq dárigerler eki apta boıy birneshe júzdegen jergilikti turǵynǵa kómek kórsetti.