23 Qyrkúıek, 2020 NEWS

Qaraǵandy qalasynyń ákimi aýysty

Foto: karaganda-region.gov.kz

Basqa jumysqa aýysýyna baılanysty qyzmetinen bosatylǵan Qaraǵandy ákimi Nurlan Áýbákirovtyń ornyna Ermaǵanbet Bólekpaev taǵaıyndaldy. Bul týraly Qaraǵandy qalalyq ákimdiginiń baspasóz qyzmeti habarlady.

Oblys ortalyǵynyń jańa basshysyn jurtshylyqqa oblys ákimi Jeńis Qasymbek tanystyrdy. 

– Ermaǵanbet Qabdolulynyń jumys tájirıbesi mol. Ol óz jobalary men bastamalaryn laıyqty jalǵastyratynyna senimdimin. Men Nurlan Erikbaıulyna atqarǵan úlken jumysy úshin alǵysymdy bildiremin. Onyń qalada jumys istegen kezeńinde kóptegen júıeli máseleler sheshildi. Olardyń kópshiligin ol ózi bastap, ózi sheshti. Aýlalarda, qaladaǵy úılerdiń qasbetterinde kóp nárse jasaldy, biraq áli de kóp jumys jasaý kerek, – dedi Jeńis Qasymbek.

Qaraǵandy oblysynyń ákimi qala basshysynyń aldyna kommýnaldyq sıpattaǵy jáne qoǵamdyq kólik máselelerin sheshý sekildi birqatar mindet qoıdy.

– Ermaǵanbet Bólekpaev oǵan senim artqany úshin alǵysyn bildirdi. Osy kezeńde kóp jumys atqaryldy. Alda áli de aýqymdy jumys kútip tur. Sizdermen birge alǵa qoıylǵan mindetterdi oryndaıtynymyzdy aıtyp, sendirgim keledi, – dep atap ótti ol.

Ermaǵanbet Bólekpaev 2018 jylǵy qarashadan bastap qazirgi tańǵa deıin Qaraǵandy oblysy ákiminiń orynbasary qyzmetin atqarǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir