Keıbir áleýmettik jeli qoldanýshylary qazaq halqy men tilin qorlaǵan Qostanaı oblysy Rýdnyı qalasynyń turǵyny Kırıll Aleksandrovıch Bojko "keshirim suraýmen qutylyp ketpeı, zań júzinde jaýapqa tartylýǵa tıis" dep jazyp jatyr.
 
Kırıll Bojko Inter vata youtube arnasyna bergen suhbatta aıtqan ultarazdyqty qozdyratyn sózderi úshin keshirim surap, ókinish bildirgen. Alaıda jelide keı qoldanýshylar azamatty Qazaqstan qylmystyq kodeksiniń 174-baby (áleýmettik, ulttyq, rýlyq, násildik, tektik-toptyq nemese dinı arazdyqty qozdyrý) boıynsha jaýapqa tartýdy talap etýde.

Zańger Rýslan Túsipbekov "ol óziniń ultshyl ekenin moıyndady. Endi ol mindetti túrde 174-bap boıynsha jaýapqa tartylýǵa tıis" dep sanaıdy. Onyń aıtýynsha, keshirim suraý qylmystyq jaýapkershilikten bosatpaıdy.

"Bizge oǵan (Kırıll Bojkoǵa) aıypty jaza taǵaıyndap, túrmege qamaıtyn ashyq, adal sot kerek. Onyń málimdemeleri 174-bapqa suranyp tur. Olaı bolmaǵan jaǵdaıda, bul – halyq betine túkirgenmen teń. Bqǵan deıin keshirim suraǵandardyń talaıyn kórdik. Mundaı keshirim suraǵandarǵa eshkim senbeıdi. Sondyqtan mindetti túrde sot bolýǵa tıis" deıdi zańger.

Quqyqtanýshy "sotta Qazaqstan halyq assambleıasy men Qazaqstandaǵy dıaspora ókilderi keıipkerdiń aıtqandaryna baǵa berýi kerektigin" atap ótti.

Muqtarbek Aıt esimdi zańger de "BOJKO KIRILL ALEKSANDROVIChTIŃ is-áreketinde, ıaǵnı vıdeo jazba arqyly jarııalaǵan sózinde qylmys quramy bar dep sanaımyn" dep jazdy.
 
Onyń pikirinshe, Bojko sózderinde taǵy bir bap boıynsha qylmystyq quram bar.
 
"Atalǵan jazbada QR QK 174-babynda kózdelgennen basqa, QR QK-iniń 131-inshi babynda kórsetilgen qylmys quramy da bar dep boljaýǵa tolyqtaı negiz bar, ıaǵnı QORLAÝ áreketi, basqa adamdardyń abyroıy men qadir-qasıetin ádepsiz túrde kemsitý oryn alǵan. QR qylmystyq-prosestik kodeksiniń 32-inshi babynyń talaptary boıynsha QR QK-niń 174-inshi babynyń belgileri bar is-áreket jarııaly aıyptaý isterine jatady. Bundaı ister boıynsha qylmystyq qýdalaý jábirlenýshiniń shaǵym bergen-bermegenine qaramastan júzege asyrylady. QR qylmystyq-prosestik kodeksiniń 34-inshi babynyń talaptary boıynsha, qylmystyq qýdalaý organy qylmystyq quqyq buzýshylyq belgilerin tapqan jaǵdaıda qylmystyq quqyq buzýshylyq jasaýǵa kináli adamdardy áshkereleý, olardy jazalaý úshin zańda kózdelgen barlyq sharalardy qoldanýǵa mindetti" dep zańda qalaı ekenin túsindirdi zańger.
 
Belgili ánshi Qanat Aıtbaev atalǵan azamatty sottamasa "memlekettiń kók tıyndyq bedeli qalmaıdy, dál osyny jaýapqa tartpasa, memlekettiń ne qadyr, qasıeti qalady? QR QK 174 statıasy bar. Qoldansyn quzyrly organdar. Áıtpese erteń mundaılar betimen ketýi múmkin" dep pikir bildirdi.
 
Ilmek sózder: ultarazdyqty qozdyrý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir