• USD 468.56

  • EUR 497.56

  • RUB 7.3

  • CNY 67.18

29 Naýryz, 18:37:28
Almaty
+35°

Bilim jáne ǵylym mınıstri Ashat Aımaǵambetov oblystyq bilim basqarmalarynyń basshylaryna "Jas maman" jobasyn júıeli iske asyrýdy tapsyrdy. Bul týraly mınıstr bilim jáne ǵylym mınıstrliginiń apparattyq otyrysynda málimdedi.

– Baıandama aıtylǵandaı, Túrkistan oblysynda 16 paıyz, Pavlodarda 5 paıyz, Mańǵystaýda 0 paıyz jumys atqarylǵan. Qural-jabdyqtardy jetkizý boıynsha jumys tıisti deńgeıde emes. Mysaly, Almaty oblysynda, Jambyl oblysynda, basqa oblystarda bul jumys máresine jeteıin dep qaldy. Sonda nege bir oblysta jumys jaqsy júredi? Al basqa oblysta jumys durys deńgeıde uıymdastyrylmaǵan? Túsiniksiz! – dedi mınıstr. 

Mınıstr atalǵan oblystyń bilim basqarmasy basshylaryna jobany júıeli júzege asyrýdy tapsyrdy. 

– "Jas maman" jobasy – kásiptik-tehnıkalyq bilimdi damytýǵa óte úlken áser etetini belgili. О́te mańyzdy joba. Kópten beri osy joba kerek dep áriptesterimiz armandap júrgen. Kolledjderge tıisti qurylǵylar, tehnıkalar jetispeıtinin aıtatyn. Endi memleket tarapynan qomaqty qarajat berilip turǵan kezde ony ýaqtyly ári tıimdi paıdalanyp qalýymyz kerek.

Sondyqtan taǵy da qaıtalap aıtamyn: bul jumysty ózderińizdiń jeke baqylaýlaryńyzǵa alý kerek. Álde de ýaqyt bar. Desek te jyldyń sońyna deıin ýaqyt bolsa da, bul máseleni qaıtadan kóterip, sizderdiń nazaryńyzǵa kórsetýdi jón kórdik. Taǵy da qaıtalap aıtamyn. Respýblıkalyq saıtqa ákelinip jatqan barlyq tehnıkany, qurylǵylardyń aktilerin, fotosyn kórsetýimiz kerek. Qabyldaýdy da komıssııa arqyly júrgizip, berilgen qarajatty tıimdi paıdalanýǵa tıispiz, – dedi Ashat Aımaǵambetov.

Oqı otyryńyz: Ashat Aımaǵambetov: Qazir mıǵa syımaıtyn esep túrleri bar

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir