22 Qyrkúıek, 2020 NEWS
Vıdeodan skrınshot
Inter vata youtube arnasynyń júrgizýshisi Vasılıı men ózin Qostanaı qalasynyń turǵynymyn dep tanystyrǵan Kırıll esimdi azamat arasyndaǵy suhbat jarııalandy. Suhbatta qostanaılyq turǵyn qazaq tili men qazaq halqy týraly ultarazdyǵyn týdyratyn, qorlaıtyn sózder aıtqan.
Suhbat júrgizýshiniń óziniń Kıevten ekenin, ýkraın tilinde sóıleıtinin, oryssha azdap oıyn durys jetkizbeýi múmkin ekenin aıtýmen bastalady. Buǵan jaýap retinde suhbattasýshy azamat "orys tili ultaralyq qatynas tili" degendi aıtty. Júrgizýshi orys tiliniń qurama til ekeni týraly qyzyq derek oqyǵanynymen bóliskende, qostanaılyq turǵyn óziniń uly orys tilinde sóıleıtinin, uly orys halqynyń ókili ekenin atap ótti.
Artynsha áńgime qazaq tili týraly bolǵanda Kırıl esimdi azamat qazaq tili men qazaq halqy týraly beıádep sózderdi borata jónelgen.
Qamshy portaly quzyrly organdardan qazaq halqyna, onyń tiline til tıgizip, ultarazdyǵyn týǵyzyp otyrǵan azamatqa zań sheńberinde shara qoldanýǵa shaqyrady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir