22 Qyrkúıek, 2020 NEWS

Shonjy aýylynda qurylysyna 1 mlrd 171 mln teńge bólingen sport kesheni qırady

Foto: nege.kz

Almaty oblysy Uıǵyr aýdany Shonjy aýylynda salynyp jatqan dene shynyqtyrý jáne saýyqtyrý kesheni qulady, dep habarlady nege.kz.

Portaldyń habarlaýynsha, qurylysqa jalpy quny 1 mlrd 171 mln teńge bólingen. Nysannyń qurylys jumysy 2019 jyly bastalyp, 2020 jyldyń sońyna deıin aıaqtalýǵa tıis bolǵan. 

Uıǵyr aýdanynyń ákimi Shýhrat Nurahýnov ǵımarattyń nege qulaǵanyna naqty jaýap bere almady.

– Erteń mamandar keledi, ekspertıza jasaıdy. Túste bir temiri túsip qalypty. Onyń ózinde tolyq túspegen, bir jeriniń shatyry ǵana túsip ketken. Qazir anaý-mynaý dep aıta almaımyz, – dedi ol.

Qurylys basqarmasynyń basshysy Dáýren Joljanov eshqandaı aqparat bere almaıtynyn jetkizdi. Onyń aıtýynsha, nysandy salyp jatqan "Lıder NK" qurylys kompanııasy, basshysy – Marat Qýanyshbaev.

♦ Oqı otyryńyz: Ákimiń kim? Uıǵyr aýdany halqyn ne mazalaıdy? (vıdeo)

Shonjy aýylynda salynyp jatqan sport kesheni

Shonjy aýylynda salynyp jatqan sport kesheni

Shonjy aýylynda salynyp jatqan sport kesheni

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir