21 Qyrkúıek, 2020 NEWS

Prezıdent Toqaev beıneúndeý jasady

Foto: Akorda

Prezıdent Qasym-Jomart Toqaev BUU Bas Assambleıasynyń 75 jyldyǵyna arnalǵan Joǵary deńgeıdegi is-sharada beıne úndeý jasady. Bul týraly Aqorda saıty habarlady.

Atalǵan shara koronavırýs indetine baılanysty onlaın formatta ótti.

Memleket basshysy óz sózin BUU-nyń burynǵy Bas Hatshysy Dag Hammarsheldtiń "Birikken Ulttar Uıymy bizdi jumaqqa jetkizý úshin emes, tozaqtan qutqarý úshin qurylǵan" degen qanatty sózimen bastady.

Prezıdenttiń aıtýynsha, bastapqyda bul uıym ujymdyq qaýipsizdikti qamtamasyz etý júıesi retinde qurylǵanymen, is júzinde álem halyqtaryn ortaq maqsattar men qaǵıdattar tóńiregine biriktirdi. Qalyptasqan belsendi ári keń aýqymdy halyqaralyq yntymaqtastyq dáýiri – sonyń aıqyn dáleli.

Memleket basshysy búgingi kúnniń jahandyq syn-qaterlerine alańdaýshylyq bildirdi. Atap aıtqanda, mýltılateralızm qaǵıdattaryna tóngen qaterlerge, koronavırýs pandemııasyn aýyzdyqtaýdyń qıyndyǵyna, jappaı qarýlanýdyń jańa básekesine qatysty qaterge, damýdyń strategııalyq  maqsattaryna qol jetkizýdegi qubylmaly jetistikterine nazar aýdardy. Sondaı-aq Prezıdent BUU Jarǵysynda bekitilgen murat-maqsattar tıimsiz degen pikirlerge qatysty óz kózqarasyn bildirdi.  

– Men óz elimniń Prezıdenti jáne BUU-nyń burynǵy joǵary laýazymdy tulǵasy retinde bul kózqaraspen múlde kelispeımin. Buǵan qaramastan, biz úmit otyn óshirmeı, qaıta ony laýlatýymyz kerek; ortaq murat-maqsattan bas tartpaı, oǵan qol jetkizý úshin kúsh-jigerimizge tyń serpin berýimiz qajet; anarhııaǵa jol bermeı, halyqaralyq quqyqqa negizdelgen qoǵamdastyq qurýdy jalǵastyrýǵa tıispiz, – dedi Prezıdent.

Qasym-Jomart Toqaev aldaǵy onjyldyqta 2030 jylǵa deıingi merzimge arnalǵan ornyqty damýdyń Kún tártibin júzege asyrý úshin birge jumylýdyń óte mańyzdy ekenin atap ótti. Prezıdenttiń aıtýynsha, osy aýqymdy maqsattarǵa qol jetkizý úshin kúsh-jigerdi biriktirip, ortaq jaýapkershilikti arttyrý qajet.

Memleket basshysy BUU Bas hatshysy Antonıý Gýterrıshtiń senimdi kóshbasshylyq qyzmetine rızashylyq bildirip, onyń búkilálemdik Uıymnyń tıimdiligin, ashyqtyǵyn jáne aıqyndyǵyn arttyrýǵa baǵyttalǵan is-qımyldaryn qoldady.

– Qazaqstan BUU-nyń mıssııasy men Jarǵysyn berik ustanady. Sonymen qatar, elimiz turaqty, ádiletti jáne órkendegen álem qurý jolyndaǵy ortaq mindetti júzege asyrýǵa atsalysady, – deıdi Toqaev.

Sóz sońynda Qasym-Jomart Toqaev BUU-nyń, shyn máninde, birden-bir, ámbebap ári balamasy joq halyqaralyq ókiletti uıym dep esepteıtinin bildirdi.  

Prezıdenttiń sóılegen sóziniń tolyq mátinimen myna silteme arqyly tanysýǵa bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir